Xitay yopurghini xitay hetta dunya boyiche ishek süti mehsulatliri bazisi qilghanliqini élan qildi

Xitay hökümitining awazi hésablinidighan shinjang xelq radi'o istansisining xitay tilidiki axbarat torida xewer qilinishiche, yopurgha nahiyisini baza qilghan mexsus ishek süti mehsulatlirini teyyarlash shirkiti özining bir yürüsh mehsulatlirini hazirlap chiqqan hemde 6000 qap ishek süti parashokigha toxtam tüzgen.

Xewerde körsitilishiche, bu shirket döletning sütlük yémeklikler ölchimige asasen mikropsizlandurulghan ishek süti ishlep chiqirish séxi qurup we bu sahediki tetqiqatlarni kücheytish arqiliq xitay boyiche hetta dunya boyiche ishek süti mehsulatlirini ishlep chiqirish boshluqini toldurghan.

Ötken yili tengri tagh xewer tori yopurgha nahiyisining ishek baqmichiliq férmilirini qurushqa we uning göshini teyyarlash ishlirigha alahide köngül bölüp, bu ishlarni ösümsiz qerzler bilen teminligenliki, yopurgha nahiyisining her yili pütün xitay we Uyghur élini 120 ming tonna ishek göshi bilen teminligenlikini hetta, "bu nahiyige ishekler yurti" dep nam bérilgenlikini xewer qilghan idi.

Ishek göshi yéyish we ishek süti ichish musulmanlar teripidin cheklen'gen bolsimu, emma bu jayda qiliniwatqan bu ishlarning Uyghurlarning naraziliqlirini qozghawatqanliqi melum. (Ümidwar)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar