Фукаңдики кан вәқәсидә өлгәнләрниң сани 3 кә йәтти


2006-09-06
Share

Өткән һәптә фукаң шәһириниң җинлоң көмүр канида йүз бәргән газ чиқиш вәқәсидә зәһәрләнгән йәнә бир ишчи қутқузуш үнүм бәрмәй қаза қилған. Шуниң билән бу вәқәдә өлгәнләрниң сани 3 кә йәтти.

Хитай хәвәр ториниң мәлум қилишичә, вәқәдә кан қудуғида мәшғулат қиливатқан ишчи вә қутқузуш хадимлиридин болуп 8 киши зәһәрләнгән болуп, буларниң арисидики го шийән исимлик бир ишчи зәһәрлиниш дәриҗисиниң еғирлиқи сәвәбидин йеқинда дохтурханида қаза қилған. Буниңдин башқа йәнә 3 кишиниң әһвалиму һазир хәтәрлик басқучта икән.

Һазирғичә бу вәқәдә қаза қилғанларниң аилә-тавабатлири айрим һалда 200 миң йүәндин төләмгә еришкән. Бу вәқә 1‏-сетәбир күни йәрлик вақит кәч саәт 11:30 ларда йүз бәргән болуп, кан қудуқида туюқсиз көмтүрүлүш әһвали көрүлүп, узун өтмәйла зәһәрлик газ кан астини қаплап кәткән. Бу йәрдә ишләватқан ишчилар гәрчә қечишқа урунған болсиму, лекин зәһәрлик газ миқдариниң юқири болуши сәвәблик, 2 киши зәһәрлинип өлгән қалғанлири болса, еғир дәриҗидә зәһәрләнгән.

Җинлоң көмүрлүки әмдила йеңи қурулған бир көмүрлүк болуп, техи рәсмий ишләпчиқиришму елип бармиған. Кан астида ишләватқан бу ишчилар болса пәқәт қудуқ йоллириниң қурулуш ишлирини қиливатқан икән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт