U a r hökümet da'iriliri kan'gha meblegh salghanlar ichide rehbiri kadirlarning barliqini inkar qildi


2005-10-27
Share

Uyghur aptonum orunluq partkom intizam tekshürüsh komitéti Uyghur élide kanlargha meblegh salghanlarning ichide nazaret derijilik emeldarlarning barliqini inkar qildi.

Intizam tekshürüsh komitéti 18 - öktebirgiche Uyghur élide, kömür kanlargha meblegh salghan hökümet xadimliridin 62 sining tekshürüp éniqlan'ghanliqi, ularning köp qismining dölet igilikidiki karxanilarning rehberliri ikenlikini bildürgen. Intizam tekshürüsh komitétining körsitishiche, bu 62 hökümet xadimlirining kanlardin qayturuwalghan meblighi ikki milyon yette yüz ming yü'en'ge yéqinlishidiken.

Buning aldida, xitay hökümiti xitayda ewj alghan " emeldarlar we kömür kanlar til biriktürüsh" ehwallirigha xatime bérish üchün, kömür kan'gha meblegh salghan hökümet emeldarlirini 22 - sintebirgiche paychékini sétiwétish toghrisida uqturush chüshürgen idi. Emma xitay we Uyghur élidiki hökümet metbu'atlirida, bir qisim hökümet emeldarlirining wezipisidin élinip tashlinishqa raziki, pay chékini sétiwétishqa razi emesliki xewer qilin'ghan.

Tengritagh tor bétining ilgiri bu heqte bergen xewiridin ashkarilinishiche, bu yil 7 - ayda 83 ademning ölüsh weqesi kélip chiqqan Uyghur élining fukang shehiridiki shinlong kömür kénining pay chékini sétiwalghan emeldarlarning sani 187 ge yetken.

Emma Uyghur aptonum rayonluq intizam tekshürüsh komitéti bu xewerni inkar qilmaqta hemde Uyghur élidiki hökümet xadimlirining kömür kanlardin meblighini qayturuwélish ishlirining ongushluq boliwatqanliqini bildürmekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet