دۇنيا مەتبۇئاتلىرىدىكى ئۇيغۇرلار


2004-09-23
Share

دۇنيا مەتبۇئاتلىرىدا يېقىنقى بىر نەچچە يىللاردىن بۇيان ئۇيغۇرلار ھەققىدىكى ماقالىلەر كۆپلەپ ئېلان قىلىنىپ، ئۇيغۇرلارنىڭ كىملىكى، مەدەنىيىتى ۋە نۆۋەتتىكى ۋەزىيىتى غەرب ئەللىرىگە تونۇشتۇرۇلدى.

-23 سېنتەبىر پەيشەنبە كۈنى " بۈگۈنكى ئامېرىكا گېزىتى" ۋە رويتېرىس ئاخبارات ئاگېنتلىقى ئۇيغۇرلار ھەققىدە ئىككى پارچە ماقالە ئېلان قىلىپ، ئۇيغۇرلار بىلەن خىتايلار ئارىسىدىكى تەڭسىزلىك، ئىرقچىلىق، كەمسىتىش ۋە " تېررورچىلىققا قارشى ئۇرۇش" نامى ئاستىدىكى ئۇيغۇر ۋەزىيىتى قاتارلىق مەزمۇنلاردا توختالدى.

" بۈگۈنكى ئامېرىكا گېزىتى" دە ئېلان قىلىنغان " ئۇيغۇر ئېلىدە تەڭ مەۋجۇت بولۇپ تۇرۇش تەس بولدى" دېگەن تېمىدىكى ماقالىنىڭ ئاپتورى، قەشقەر ۋە ئۈرۈمچى قاتارلىق جايلاردىكى زىيارىتىنى تەسۋىرلەپ كېلىپ، " ئۇيغۇر ئېلىدىكى كونتروللۇق نۆۋەتتە تارىختىكى ئەڭ يۇقىرى پەللىگە يەتتى" دەپ يازغان.

رويتېرس ئاخبارات ئاگېنتلىقىمۇ ئۇيغۇر ئېلىدىكى باراۋەرسىزلىكلەر ھەققىدە توختىلىپ، " خىتايلار ئۈرۈمچىدە ئۇيغۇرلار بىلەن بىرگە ياشايدۇ-يۇ، ئەمما باراۋەر ياشىمايدۇ" دەپ كۆرسەتكەن.

شۇنداقلا ھەر ئىككىلا ماقالىدا يەنە، خىتاينىڭ تېررورچىلىققا قارشى ئۇرۇشنى باھانە قىلىپ، تىنچ يول بىلەن قارشىلىقىنى ئىپادىلەشكە ئۇرۇنغان ئۇيغۇرلارنى باستۇرۇپ، ھەتتا ئۇلارنىڭ مەدەنىيەت، دىنىي-ئېتىقاد ۋە تىل -يېزىقىنى كونترول قىلىپ كەلگەنلىكى ئوتتۇرىغا قويۇلغان. ( پەرىدە )

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت