Murat nasiropni xatirilesh üchün almutida keng kölemlik naxsha kéchiliki ötküzülidu


2007-02-11
Share

Rusiyining "km.Ru" intérnét uchur torining xewer qilishiche, 3-ayning ottursida qazaqistanning kona paytexti almuta shehiride ataqliq Uyghur kompozitori we naxshichisi murat nasiropqa béghishlan'ghan naxsha kéchiliki ötküzülidu.

Murat nasiropning qazaqistandiki yéqinlirining bildürüshiche, mezkur naxsha kéchilikini eslide murat nasirop hayat waqtida ötküzüshni qarar qilghan bolup, lékin u tuyuqsiz wapat bolghandin kéyin, buni qandaq qilish mesilisi tughulghan, netijide qazaqistandiki Uyghur yashliri bir yerge bash qoshup, iqtisad ajritish arqiliq bu konsértni muratni xatirilesh yüzisidin ötküzüshni qarar qilghan.

Rusiye uchur torining xewer qilishiche, almutida ötküzülidighan xatirilesh konsértining kölimi zor bolup, bunin'gha moskwada yashaydighan ataqliq naxsha cholpanliridin aliyona apina, marina xlébnikowa qatarliq 50 meshhur sen'etkar qatnishidighanliqini jakarlighan. Ular mexsus türde muratning naxshilirini éytish hem uninggha béghishlap naxsha orunlashni qarar qilghan.

Igilishimizche, murat nasi'opning tuyuqsiz ölümining siri téxiche yéshilmigen bolup, moskwadiki tibbiy délolarni tekshürüsh orni muratning qénini tekshürüsh arqiliq, uningda zeherlik chékimlik we yaki haraq qalduqlirining yoqliqini bayqighanliqini élan qilish arqiliq saqchi da'irilirining " murat nasirop zeherlik chékimlik tesiridin özini öltürüwaldi" dégen yekünni inkar qilghan.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet