Уйғур елидики йиллиқ хам нефит ишләпчиқириш миқдари 300 милйон тоннидин ашти


2004.10.12
Share on WhatsApp
Share on WhatsApp

Уйғур елидә тунҗи нефитлик байқилип һазирғичә болған 55 йил ичидә, хитай һөкүмити нефит қезиш қәдимини үзлүксиз тезлитип, йиллиқ хам нефит ишләпчиқириш миқдарини 300 милйон тоннидин ашурди.

Тәңритағ тор бетиниң хәвиридә көрситилишичә, хитай даирилири тарим, җуңғар вә турпан-қумул ойманлиқида сақлиниватқан нефит, тәбий газ омумий байлиқ миқдариниң 30 милярд тонниға йетидиғанлиқини вә буниң пүтүн хитайниң қуруқлуқтики нефит байлиқ миқдариниң 1/4 қисмини игиләйдиғанлиқини мәлум қилмақта.

Хитай болупму -20әсирниң -90йиллиридин башлап, уйғур елидики нефит-тәбии газ байлиқини ечиш ишлирини алаһидә тезләткән болуп, -1990йили хам нефит ишләпчиқириш миқдари 7милйон тонна болған болса, нөвәттә 300 милйондин ашқан.

Хитайниң уйғур районида нефит қидириш пилани узундин бери уйғур елидики хәлқләрниң наразилиқини қозғап келиватқан бир сәзгүр мәсилә болуп, улар хитай һөкүмитиниң бу байлиқлардин йәрлик хәлқләрни мәнпәәткә игә қилмиғанлиқидин нарази болмақта. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.