Хитай нефит гуруһи 2004 - йили 110 милярд юән пайда елип рекорт яратти


2005-01-14
Share

Хитай дөләтлик нефит гуруһи 2004 - йили 110 милярд юән йәни 13 милярд америка доллири пайда елип, хитай енергийә киримидики әң юқири рекортни яратқан.

Америка бирләшмә ахбарат агентлиқиниң хәвиригә қариғанда, хитайдики әң чоң нефит хоҗайини һесаблинидиған бу нефит гуруһи өткән йилиниң өзидила 2003 - йилиға қариғанда 50٪ көп пайда алған.

Хитай дөләтлик нефит гуруһи чиқарған бу доклатида қанчилик пайда алғанлиқи шундақла нефит вә тәбиий газ ишләпчиқириш миқдарини қанчилик юқири көтүргәнликини мәлум қилған болсиму, әмма униңда хитайни асаслиқ нефит вә тәбий газ билән тәминләватқан уйғур ели тилға елинмиған.

Уйғур елидики вә чәтәлләрдики уйғурлар хитайниң уйғур елиниң енергийә байлиқиға тутқан сияситидин нарази болуп, улар изчил түрдә хитай һөкүмитиниң уйғур елиниң нефит вә тәбиий байлиқлирини йөткәп, хитайни вә ичкири өлкиләрни бай қилип, байлиқларниң игиси болған йәрлик хәлқләрни һечқандақ пайдиға ериштүрмәйватқанлиқини әйибләп кәлди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт