2004 - Yildiki Uyghurlargha a'it 10 chong xewer

2004-12-31
Élxet
Pikir
Share
Print

Xitayning tengri tagh tor béti 2004 - yili Uyghur aptonom rayonidiki 10 chong xewerni élan qildi. Tengri tash tor bétining körsitishiche, ili- qorghas tömür yolida ish bashlash, aptonom rayon milliy ishlepchiqirish omumi daramitining bu yil tarixtiki eng yuqiri sewiyige yétishi, wén jyabawning aptonom rayonni ziyaret qilishi, xitay - qazaqistan néfit turuba qurulushi shundaqla tarim - shangxey teb'iy gaz turubisining ishqa kirishtürilishi, délong shirkitining weyran bolishi, dolan qizghinliqi, qoy klunlash, tarim ékilogiyisini eslige keltürüsh qurulushi, bingtü'en we ili qatarliq besh aptonom oblast qurulghanliqining 50 yilliqini tebriklesh qatarliqlar, Uyghur aptonom rayonida bu yilqi 10 chong xewer, dep élan qilindi. Biraq bezi Uyghurlarning qarishiche, Uyghurlargha a'it 10 chong xewer, tengri tagh tor bétiningkidin perqlinidu.

Bezi Uyghurlar, amérikining gü'entanamodiki Uyghurlarni xitaygha qayturmaydighanliqini élan qilishi, rabiy'e qadirning raftu mukapatigha érishkenliki, dunya Uyghur qurultiyining qurulghanliqi, xitay mektepler bilen milliy mekteplerni birleshtürüp, xitay tilining milliy bashlan'ghuch mektepler 1 - yilliqlirigha kirgüzülishi, wang léchüenning 50 nechche Uyghur siyasi mehbusqa ölüm jazasi bérilgenlikini élan qilishi shundaqla Uyghur sérikchining kanadadin siyasi panaliq tilishi, tarim- shangxey teb'iy gaz turubisining ishqa kirishtürilishi, amérika da'irilirining amérika Uyghur jem'iyitige pul bérishi, qazaqistan- Uyghur aptonom rayoni néfit- teb'iy gaz turuba qurulushi qatarliqlar, 2004 -yildiki Uyghurlargha a'it 10 xewer, dep qaraydiken. (Erkin)

Pikirler (0)
Share
Toluq bet