Уйғур юртлирида чиқидиған рәңлик пахта хәлқара базардиму мәшһур


2006.12.20
Share on WhatsApp
Share on WhatsApp

Шинхуа агентлиқиниң үрүмчидин хәвәр қилишичә, йеқинда уйғур аптоном районидики рәңлик пахта ширкити билән пакистан оттурисида 1600 тонна рәңлик пахта догвари түзүлгән, буниң қиммити 4 милйон 800 миң америка доллири. Догварға ширкәт башлиқи җав шавлин имза қойған. Бу уйғур аптоном районидин чиқидиған рәңлик пахтиниң тунҗи қетим хәлқара базарға кириши болуп һесаблиниду.

"Тоқумичилиқ вә посун" гезитидә баян қилинишичә, уйғур аптоном райони һазир донядики әң чоң рәңлик пахта базиси болуп қалған. Бу районда һәр йили 46 миң 700 гектар йәргә рәңлик пахта терилиду. Санлиқ мәлуматларға қариғанда, 2004 ‏- йили 160 миң тонна рәңлик пахта ишләпчиқирилған. Бу райондин чиқидиған рәңлик пахта мәһсулати, йеқинқи үч йил ичидә дуня буйичә ишләпчиқирилған рәңлик пахта миқдариниң 30% ни тәшкил қилип кәлмәктә. Хәвәрдә тәсвирлинишичә, уйғур аптоном районидин чиқидиған рәңлик пахта хитайдила әмәс, хәлқара базардиму мәшһур. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт