Үрүмчидә, қар ләйлисини қалаймиқан ишлитилиш чәкләнди


2005-05-17
Share

Йеқинда үрүмчи шәһәрлик яйлақларни назарәт қилиш идариси билән һайванатлар вә өсүмлүкләрни тәкшүрүш хизмәт понкити бирликтә, үрүмчидики һәр қайси пут ююш вә һөсин түзәш мулазимитини қилидиған орунларниң қар ләйлисини ишлитишини чәклиди.

Тәңритағ хәвәр ториниң мәлуматиға қариғанда, йеқинқи йиллардин буян үрүмчидики бәзи пут ююш вә һөсин түзәш орунлирида, қар ләйлисидә ясалған майларни ишлитиш базар тепип кәткән. Шундақла бу орунлар һәтта һечқандақ қанунлуқ рәсмийити болмиған асастиму, өз алдиға қар ләйлисини пишшиқлап ишләпчиқириш ишлири билән шоғуллинидикән.

Мәзкур орунлар чиқарған уқтурушта йәнә, һечқандақ рәсмийити болмиған орун вә шәхсләрниң қар ләйлиси тиҗарити билән шоғуллинишиға болмайдиғанлиқи, қар ләйлисиниң пәқәт айродром, пойиз истансиси, чоң сода сарайлири вә дориханилардила сетилишқа болидиғанлиқи көрситилгән.

Уйғур елидики қиммәтлик өсүмлүк һесаблинидиған қар ләйлисиниң доригәрликтики қиммити юқири болупла қалмастин, у, екологийилик муһитини қоғдаштиму муһим ролға игә. Униң үстигә қар ләйлисиниң өсүши бир қәдәр аста болуп, адәттә қарләйлиси уруқиниң бих сүришидин тартип гүли ечилғичә 5 йил вақит кетидикән. Әгәр уни қоғдаш хизмитини вақтида елип берилмиса, нөвәттики вәзийәт бойичә 30йилға қалмиған вақит ичидә қарләйлиси йәршаридин пүтүнләй йоқилидикән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт