Чәрчәндә 60 тоннилиқ қаштеши байқалди

Хотәнниң чәрчән наһийисидә еғирлиқи тәхминән 60 тонна келидиған йешил қаштеши байқалған болуп, бу уйғур елидә байқалған әң чоң хотән қаштеши һесаблинидикән.

Тәңри тағ тор бетиниң бу һәқтә бәргән хәвиридин мәлум болушичә, мәзкур қаштеши чәрчән наһийә базиридин тәхминән 300 километир йирақлиққа җайлашқан алтун тағниң ғәрбий гирвикидики ташсай кан райони ташсай дәряси қетида байқалған.

Чәрчән, дуняға даңлиқ хотән қаштеши чиқидиған асаслиқ районларниң бири, бу йәрдә чиқидиған қаш теши сан вә сүпәт җәһәттә уйғур елида әң алдинқи орунда туриду.

Хәвәрләргә қариғанда, чәрчәндә йилиға 100 тонна қаш теши чиқидикән. Мутәхәссисләрниң билдүрүшичә, хитай чәтәлләргә қаштешида ясалған буюмларни екиспорт қилишта алдинқи орунда туридиған вә қаштеши буюмлири даңлиқ дөләтләрниң бири болуп, хитай ишләпчиқарған қаштешиниң мутләқ көп қисми уйғур елиниң хотән қаштеши икән. (Әқидә)