Хитай җамаәт хәвипсизлик министирлиқи йеңи бир қаттиқ зәрбә бериш һәрикити башлимақчи

Хитай җамаәт хәвипсизлик минстирлиқиниң муавин минстири лию җеңгав, хитай сақчи қисимлириға йеза-кәнтләрдики иҗтимаий тәртипсизликләргә қарши туруш үчүн, бир ай давамлишидиған бир һәрикәт башлаш тоғрисида буйруқ чүшүргән.

Лию, пәйшәнбә күни өткүзүлгән мухбирларни күтүвелиш йиғинида бәргән баянатида," сақчилар бу бир айлиқ һәрикәт җәрянида, йеза аһалисиниң бихәтәрликигә капаләтлик қилиш үчүн,бу һәрикәтни тәкшүрүш ишлиригә вә йеза-кәнтләрдики иҗтимаий тәртипсизликләрниң даирисини ениқлаш қатарлиқ мәсилиләргә мәркәзләшүрүши керәк," дегән. Хитай җамаәт хәвипсизлик минстирлиқиниң муавин министириниң ейтишичә, бу һәрикәт җәрянида, асаслиқи, қечип йүргән җинайәтчиләр вә қарақол гуруппилар, йеза мәһсулатлирини оғурлаватқан кишиләр, сахта мәһсулат сатқанлар, кичик балилар, аялларни елип қачидиған киши вә гуруппилар һәмдә зәһәрлик чекимлик, партлатқуч дора вә қорал-ярақ әткәсчилири нишан қилинидикән.

Шинхуа агентлиқиниң хәвәр қилишичә, сақчиларға бу һәрикәт җәрянида, қанунсиз диний паалийәтләрни вә диний тәриқәтләрни бастуруш тоғрисида буйруқ чүшүрүлгән. (Өмәр қанат)