Рабийә қадир дуня уйғур қурултийиниң рәиси болуп сайланди


2006.11.26
Share on WhatsApp
Share on WhatsApp

Германийидин игилишимизчә үч күндин бери давамлишиватқан дуня уйғур қурултийиниң йиғинида 26 - ноябир күни қурултай қатнашқучилириниң бирдәк аваз бериши билән уйғур миллий һәрикитиниң рәһбири рабийә қадир ханим дуня уйғур қурултийиниң рәисликигә сайлинип, вәзипә тапшурувалди.

Рабийә қадир ханимниң бу қетимқи қурултайға қатнишиши уйғурларға зор илһам болған болуп, җамаәт бирдәк һалда рабийә қадир ханимниң дуня уйғур һәрикитигә рәһбәрлик қилишини тәләп қилған.

Вәзипә тапшурувалған рабийә қадир ханим дуня уйғур қурултийиниң илгирики паалийәтлиригә юқири баһа бериш билән биргә өзиниң буниңдин кейин уйғур дәвасини техиму юқири көтүрүш үчүн пүтүн күчи билән ишләйдиғанлиқини билдүргән.

Рабийә қадир ханим бу йил май ейида америка уйғурлири бирләшмисиниң рәислик вәзиписигә тәйинләнгән болуп, дуня уйғур қурултийиниң паалийәтлирини актип қоллап кәлгән иди.

Пенсийигә чиққан генерал муһәммәд риза бекин пәхрий рәис болуш билән йәнә қазақистандин қәһриман ғоҗамбәрди, германийидин әсқәрҗан, түркийидин сейит тумтүрүк қатарлиқлар муавин рәис болди.

Хәвәрләрдин қариғанда, дуня уйғур қурултийиниң сабиқ рәиси әркин алиптекин вәзиписидин истипа бәргән. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.