Америка авам палатаси рабийә қадирниң пәрзәнтлирини қоюп бериш тоғрисида ху җиңтавға хәт язди

Америка дөләт мәҗлисиниң 72 нәпәр авам палата әзаси хитай дөләт рәиси ху җиңтавға хәт йезип, уйғур кишилик һоқуқи рәһбири рабийә қадирниң бу йил 6 - айда қолға елинған вә рәсми сотлайдиланлиқини җакалиған 3 оғулини қоюп беришни тәләп қилди.

Хәттә "биз уларниң қолға елинишиға әң күчлүк сөзләр билән наразилиқ билдүрүмиз вә сизниң рабийә қадир пәрзсәнтлирини дәрһал вә шәртсиз қоюп беришиңизни қәти тәләп қилимиз," дәйду.

Ху җиңтавға йезилған бу хәт авам палатасиниң хәлқара мунасивәтләр комитети рәиси һенрий хайд вә бу комитетниң юқури дәриҗилик әзаси там лантослар башчилиқида қәләмгә елинди. Хәттә, рабийә қадирниң нәврилиридин сәрдар, чипарлар, туққанлири қәйсәр, раһилә, турғун вә қизи рошәнгүлләр қоюп берилгән болсиму, " лекин уларниң бихәтәрлики вә саламәткиликидин әнсирәватимиз," дәп язған.

Қаһар, абликим вә алим абдуреһимларниң баҗ оғурлаш, дөләтни парчилаш, һөкүмәтни ағдурмақчи болди, дәп әйпләнгәнликини тәкитлигән хәттә, " һөкүмитиңизниң бу әйиплишини ишәнчлик, дәп қариғили болмайду. Һич бир сәвәб рабийә қадирниң нәврә вә пәрзәнтлиригә зорлуқ күч ишлитишни һәқлиқ чиқармайду, "дәп тәкитлигән.

Хитай даирилири әсли 7 - айниң 19 - күни рабийә қадирниң оғуллирини сотлимақчи иди. Лекин уларниң соти сот күнигә бир күн қалғанда мәлум болмиған сәвәбләр билән кечиктүрүлди. Хәттә " биз рабийә қадир аилә тавабатиға қилинған муамилини җоңго пуқралириниң асаси қанундики һәқ һоқуқи вә җоңго имза қойған хәлқара әһдинамә вә келишимләргә хилап, дәп қараймиз," дәп язған. (Әркин)