Хитай мутәхәссиси қорғаста "хитай-қазақистан хәлқара чегра шәһәрчиси" қурушни тәшәббус қилди

Уйғур аптонум районлуқ һөкүмәтниң мәслиһәтчиси болған хәлқара мунасивәтләр мутәхәссиси шя йишән йеқинда қорғас чегрисида "хитай-қазақистан хәлқара чегра шәһәрчиси" қурушни тәшәббус қилди.

Хитай мәтбуатлириниң билдүрүшичә, у йеқинда бейҗиңда өткүзүлгән хитай- қазақистан юмилақ үстәл йиғинида, икки дөләт чегрисида сода мунасивәтни асас қилған һәмкарлиқ мәркизи қуруш пиланини техиму кеңәйтип, хәлқара шәһәрчә қурушқа айландурушни оттуриға қойған.

Өткән йили 9 - айда қазақистан президенти нәзәрбайеф уйғур елини зиярәт қилғанда, уйғур аптонум районлуқ һөкүмәт билән " қорғас хәлқара һәмкарлиқ мәркизи қуруш рамкиси келишими" ни имзалиған . Икки дөләт вәкиллири йәнә буни ишқа ашуруш йолида сөһбәт өткүзмәктә иди.

Шя йишән икки дөләтниң иқтисадий һәмкарлиқини техиму күчәйтиш үчүн, хәлқара һәмкарлиқ мәркизини техиму кеңәйтип, хәлқара чегра шәһәрчисигә айландурушни тәкитлигән.

Бир қисим анализчиларниң көрситишичә, хитай өткән йилқи шаңхәй һәмкарлиқ тәшкилатиниң йиғинида, оттура асияда ортақ сода райони қурушни тәшәббус қилған болсиму, бирақ русийиниң қоллишиға еришәлмигән. Бу сәвәбтин хитай даирилири авал қазақистан билән ортақ сода райони қуруш арқилиқ, уни пүтүн оттура асияға кеңәйтишкә уруниватқан икән. (Арзу)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар