Ваң лечүән "бөлгүнчиликкә қарши туруш"ни тәкитлиди


2006.01.04
Share on WhatsApp
Share on WhatsApp

Хитай мәркизий сиясий биюросиниң әзаси, уйғур аптоном райониниң партком секритари ваң лечүән йеңи йил мунасивити билән қәшқәр вә қизилсуға қилған зияритидә "бөлгүнчиликкә қарши туруш" ни тәкитлиди.

Ваң лечүән бу сәпиридә, қәшқәр вилайити вә қизилсу қирғиз аптоном областидики һәр қайси рәһбәр вә кадирлар билән көрүшүп, бу икки районниң хитайниң "бөлгүнчиликкә қарши" күришидики икки муһим алдинқи сәп икәнликини, шуңа һәр қайси дәриҗилик партийә-һөкүмәт хадимлириниң "бөлгүнчиликкә қарши туруш" хизмитини чиң тутуши керәкликини билдүрди.

Ваң лечүән сөзидә йәнә, бу районларниң "бөлгүнчиликкә қарши туруш" хизмитидә бихәстәлик қилишқа яки бошишишқа қәтий болмайдиғанлиқини тәкитлиди. "Җәнубий шинҗаңниң муқимлиқини капаләткә игә қилиш‏- бизниң муһим вәзипилиримизни бири" деди ваң лечүән.

Ваң лечүән йеңи йил мунасивити билән уйғур елиниң бир қисим районлирини зиярәт қилған болуп, уйғур аптоном райониниң муавин рәиси нурлан абилмәҗинму униң билән биргә кәлгән.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.