Biryussélda bashlan'ghan "2 - Nöwetlik xelq'ara Uyghur tetqiqat yighini" firansiyening paytexti parizhda axirlashti

Muxbirimiz erkin tarim
2015-11-20
Élxet
Pikir
Share
Print
"2 - Nöwetlik xelq'ara Uyghur tetqiqat yighini" bir körünüsh
"2 - Nöwetlik xelq'ara Uyghur tetqiqat yighini" bir körünüsh
RFA/Erkin Tarim


Amérika jorj washin'gton uniwérsitéti teripidin uyushturulghan "2 - Nöwetlik xelq'ara Uyghur tarixi, medeniyiti, jem'iyiti ilmiy tetqiqat yighini" firansiyening paytexti parizhda 20 - noyabir küni axirlashti.

Parizhdiki sherqshunasliq institutida chaqirilghan yighinda amérika, awstraliye, rusiye fédératsiyesi, türkiye, qazaqistan we yawropa döletliridin bolup 24 neper tetqiqatchi ilmiy doklat berdi. Maqaliler til, tarix, edebiyat, xelq'ara munasiwetler, folklor we siyasetke oxshash keng da'iridiki mezmunni öz ichige alghan bolup, dunyaning her qaysi jayliridin kelgen mutexessisler Uyghurlar toghrisida élip bérilghan yéngi tetqiqatlirini otturigha qoyup ötti.

Bu heqte tepsiliy melumat igilesh üchün 2 - nöwetlik xelq'ara Uyghur tarixi, medeniyiti, jem'iyiti ilmiy tetqiqat yighinini uyushturghan amérika jorj washin'gton uniwérsitéti oqutquchisi shan robértson ependi we yighinda ilmiy doklat bergen Uyghur ziyaliylardin gérmaniye götinggen uniwérsitéti qedimki Uyghur tili oqutquchisi doktor ablet semet, sidnéy uniwérsitéti oqutquchisi doktor dawid brophy qatarliq kishilerge mikrofonimizni uzattuq.

Doktor shan robértson 2 - nöwetlik Uyghur tetqiqati yighinining nahayiti yaxshi ötkenlikini, tetqiqatchilar köpligen yéngi tetqiqatlarni otturigha qoyghanliqini éytti.

Doktor ablet semet ependi yighinda dunyaning herqaysi jayliridin kelgen ilim ademlirining köp sanda oxshimaydighan témilarda ilmiy doklatlirini sunup, keng témilarda yéngi tetqiqat netijilirini otturigha qoyghanliqini éytqandin kéyin yighinni xulasilep ötti.

Mezkur tetqiqat yighinigha jorj washin'gton uniwérsitéti bilen biryussél uniwérsitéti birlikte sahibxaniliq qilghan bolup, yighinning biryusséldiki lébri uniwérsitétidiki qismi 17 - 18 - noyabir künliri bélgiyening paytexti biryussélda ötküzülgen.

Ikkige bölüp ötküzülgen yighin'gha jem'iy 45 etrapida tetqiqatchi, mutexessis we ziyaliy qatnashti.

Yuqiridiki awaz ulinishidin ziyaret xatirisining tepsilatini anglaysiler.

Toluq bet