Абдулла алим түркистани мукапатқа еришти

Ихтиярий мухбиримиз өмәрҗан
2013.09.27
Share on WhatsApp
Share on WhatsApp
abdulla-alim-fransiye-musulman-yighin.JPG Сәуди әрәбистанидин кәлгән доктор абдулла алим уйғурлар һәққидә нутуқ сөзлимәктә, 2013-йил 31-март, париж
RFA/Qutlan


Абдулла алим түркистани сәуди әрәбистанидики уйғурлар ичидә вәтәнпәрвәрлики билән тонулғинидәк, әрәбләр ичидиму өзиниң юқири билими вә қолға кәлтүргән нәтиҗилири билән тонулған шәхсләрниң бири.

Абдулла алимниң ата - аниси уйғур елиниң хотән вилайитидин кәлгәнләрдин болуп, абдулла алим өзи сәуди әрәбистаниниң җиддә шәһиридә туғулған вә шу шәһәрдә чоң болған. Абдулла алим сәуди әрәбистаниниң җиддә шәһәрлик почта - телеграф идарисидә бөлүм башлиқи болуп йигирмә йилдин көпрәк вақит ишлигәнниң сиртида, мәһсулат вә иш - паалийәтләрниң сүпәт дәриҗисини көтүрүш программиси бойичә хәлқаралиқ дипломға еришкән болуп, һәр қандақ җайда лексийә сөзләшкә роухсәт қилинған мәхсус кенишкиси бар. Һазир у сәуди әрәбистани вә әрәб қолтуқи дөләтлири ичидә тәклип билән лексәийә сөзләш билән мәшғул болмақта. Униң сөзләйдиған лексийәси қандақ қилғанда, ишни тәләпкә лайиқ, сүпәтлик қилғили болиду вә қандақ қилғанда ишчи - хизмәтчиләрниң билим сапасини өстүргили болиду, дегән мавзуларда болмақта. Өткән һәптә 18 - синтәбир күни устаз абдулла алим сәуди әрәбистаниниң таиф шәһиригә қарашлиқ бир райондики қуран ядлитиш җәмийитидә әрәбләргә лексийә сөзләп бәргән болуп, уларниң зор алқишиға еришкән вә мәхсус мукапатқа наил болған.

Абдулкәрим һаҗим билән сөһбәт

Устаз абдулла алимниң нөвәттики лексийәсини сөзләш сәпиридә биргә һәмраһ болған абдукәрим һаҗим төвәндикиләрни сөзләп бәрди: “ мәлумки муһәндис абдулла алим сәуди әрәбистанида туғулған болсиму, өзиниң шәрқий түркистанлиқ икәнликидин пәхирлинидиған, өз ана вәтинини унутмиған уйғурладин бири, һәм у сәуди әрәбистан тәвәсидиму өзиниң билими вә нутуқи билән тонулған кишидур. 9 - Айниң 18 - күни таиф шәһириниң вади ләй наһийиси дегән җайда қуран кәрим ядлитиш омумий җәмийитиниң мәхсус мурасимида лексийә сөзлиди. У лексийәсини кадирларниң сәвийәсини қандақ өстүрүш вә ишниң сүпитини қандақ өстүрүш дегән мавзуларда сөзләп бәрди. Лексийә аңлиғучиларму наһайити мәмнун һалда көңүл қоюп аңлиди, ахирида абдулла алимға мәхсус мукапат тәқдим қилди. Униң сөзиниң асасий нуқтиси қуран кәрим ядлитиш омумий җәмийитини қандақ қилғанда 21 - әсиргә мунасип һалда тәрәққий қилдурғили болидиғанлиқи вә қандақ қилғанда ишчи - хизмәтчиләрниң сәвийәсини ашурғили болидиғанлиқи һәққидә болди.”

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.