Ababekri qasim: gu'entanamo türmisidin qoyup bérilgen 7 yil jeryanida

Ixtiyariy muxbirimiz qutlan
2013-08-13
Share
ababekri-qasim-albaniye-305.png Gu'entanamo türmisige qamilip albaniyege qoyup bérilgen ababekri qasim
RFA/Qutlan

Gu'entanamo türmisige qamalghan 22 neper Uyghurdin tunji türkümde qoyup bérilgen ababekri qasim qatarliq 5 neper Uyghurning albaniyede yerleshkinige bu yil 7 yil boldi.

Bu 7 yil jeryanida ularning biri shiwétsiyening panahliqigha ériship hazir stokholmda tughqanliri bilen bille yashimaqta. Qalghan töteylen albaniye paytexti tirana shehirige tedriji yerliship özlirining bu eldiki yéngi hayatini dawamlashturmaqta. Ulardin ababekri qasim ziyaritimizni qobul qilip, özining ötken on nechche yilliq hayatini eslep ötti. U 1997 - yili ghuljida yüz bergen "5 - Féwral weqesi" ning öz hayatidiki burulush nuqtisi bolghanliqini ilgiri sürdi.

Gu'entanamo türmisidin qoyup bérilgendin kiyin albaniyede yashawatqan ababekri qasim qatarliq 4 neper Uyghur
Gu'entanamo türmisidin qoyup bérilgendin kiyin albaniyede yashawatqan ababekri qasim qatarliq 4 neper Uyghur

Ababekri qasim 1997 - yilidiki "5 - Féwral weqesi" din kéyin xitay türmiside yatqan künliride bolsun yaki 2001 - yilidin kéyin gu'entanamo türmisige naheq qamalghan yillarda bolsun, qelbige wetenning höriyitini chigip yashap kelgenlikini tekitlidi. U 2006 - yili hörlükke ériship albaniyege kelgendin buyan xelq'ara metbu'atqa Uyghurlar heqqide uchur bérish yoli arqiliq özining wijdaniy mes'uliyitini ada qilip kelgenlikini bildürdi.

U nöwette Uyghurlar wetinide yüz bériwatqan qanliq weqeler hemde milliy mewjutluq üchün Uyghur xelqi tölewatqan éghir bedeller heqqide toxtilip: "Uyghur xelqi chékiwatqan azablar aldida bizning tartqan japayimiz héchgep emes" dédi.

Ababekri qasim ziyaritimiz jeryanida özi bashliq gu'entanamo türmisige qamalghan 22 neper Uyghur chekken éghir riyazetlerning emeliyette Uyghur millitining nöwettiki ijtima'iy ré'alliqining bir qismi ikenlikini bildürdi. U, gu'entanamo türmiside ötken birqanche yilliq tutqunluq kechürmishlirining gerche özining shexsiy hayatidiki achchiq qismet hésablansimu, lékin buning Uyghur mesilisini xelq'aragha tonutushtiki bir waste bolghanliqigha ishinidighanliqini tekitlidi. U eger öz kechürmishlirining Uyghur dewasi üchün melum paydisi bolidighanla bolsa, herqandaq shara'itta herqandaq xelq'araliq metbu'atning ziyaritini qobul qilishqa teyyar ikenlikini bildürdi shundaqla shara'it yar bergende öz hayatidin eslime yézish oyi barliqini ilgiri sürdi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet