Almatada Uyghur diyarida qurulghan musteqil jumhuriyetler xatirilendi

10 - Noyabirda almata shehirining dostluq mehelliside orunlashqan kaféxanilarning biride, ötkenki esirning 30 - we 40 - yilliri qurulghan sherqiy türkistan jumhuriyetlirige béghishlan'ghan xatirilesh murasimi ötti. Aldi bilen musteqilliq we erkinlik üchün qurban bolghanlargha atap qur'an oqulghandin kéyin, asasiy doklat bilen sözge chiqqan körneklik zhurnalist yadikar sabitof sherqiy türkistan islam jumhuriyitining 80 yilliqi we sherqiy türkistan jumhuriyitining 70 yilliqigha toxtaldi. U mezkur musteqil memliketlerning meydan'gha kélishi, öz aldigha qoyghan meqset we wezipiliri, her ikki jumhuriyetning yimirilish sewebliri toghriliq yéngi melumatlarni otturigha qoydi.

Siyasetshunas qehriman ghojamberdi bolsa tarixchi we yazghuchi turghun almasning 90 yilliqigha béghishlan'ghan doklatini teqdim qildi hemde dunya Uyghur qurultiyining kéyinki waqitlarda élip barghan ish - pa'aliyitini yorutti. Mezkur murasimda sözge chiqqan tatar xelqining munewwer perzendi, tarix penlirining namzati munir yérzin, sabiq “Inqilabiy sherqiy türkistan” gézitining xadimi wapaxan qurbanof, diniy zat mehemmet hajim, sha'irlar mirzaxmet mérimof we tashgül héziyarowalar sherqiy türkistan jumhuriyiti qed kötergen yillarni hem shu chaghlarda yashighan we ishligen shexslerni eslidi, shé'irlirini oqudi.

Murasim axirida sherqiy türkistan jumhuriyitini tikleshke qatnashqan bir qatar kishilerge bahaliq soghilar tapshuruldi. Radi'omiz ziyaritini qobul qilghan diniy zat mehemmet hajim we tarixchi munir yérzin mezkur murasim heqqide toxtaldi.