Amérika mu'awin prézidénti kürt parlamént ezaliri bilen yumilaq üstel yighini chaqirdi

Ixtiyariy muxbirimiz erkin tarim
2016-01-22
Share
jo-baydin-Joe-Biden-turkiye.jpg Amérika mu'awin prézidénti jo baydin türkiye ziyaritide, partlash yüz bergen sultan exmet rayonigha bérip teziye bildürdi. 2016-Yili 22-yanwar, istanbul.
AFP

Amérika qoshma shtatlirining mu'awin prézidénti jow baydin resmiy ziyaret üchün türkiyege yétip keldi. 23-Yanwar küni türkiye dölet re'isi rejep tayyip erdoghan we bash ministir ehmet dawut'oghlu qatarliq rehberler bilen uchrashmaqchi bolghan jow baydin bügün kürt mesilisi toghrisida yumilaq üstel yighinigha qatnashti.

Jow baydinning türkiyediki bügünki pa'aliyetlirining hemmisi kürt mesilisi toghrisida bolup, bügün chaqirghan yumilaq üstel yighinigha adalet we tereqqiyat partiyesining kürt parlamént ezaliridin ghalip enseroghlu, orxan miroghlu, jumhuriyet xelq partiyesidin kürt millet wekili sezgin tanriqulu bilen fikri saghlar ependi, kürt partiyesi bolghan xelqning démokratiyesi partiyesi parlamént ezasi ayxan bilgen bilen leyla zana xanim qatnashti.

Bügün chüshtin burun istanbul béshiktash rayonidiki konrad méhmanxanisida muxbirlargha yépiq ötküzülgen bu yumilaq üstel yighinida nuqtiliq halda kürt mesilisi toghrisida muzakire élip bérilghan.

Yumilaq üstel yighini axirlashqandin kéyin amérika qoshma shtatlirining mu'awin prézidénti jow baydin türkiyediki nopuzluq ammiwi teshkilatlarning mes'ulliri bilen yighin ötküzgen bolup, mezkur yighindimu türkiyening kürt mesilisi toghrisida muzakire élip bérilghan.

Türk axbarat wasitiliridiki xewerlerge asaslan'ghanda, 23-yanwar küni jow baydin türkiye dölet re'isi rejep tayyp erdoghan, bash ministir ehmet dawut'oghlu bilen uchrishidighan bolup, bu uchrishishtimu kürt mesilisi,"P k k" térror mesilisi, süriye, iraq we demeshq iraq islam döliti térror mesilisi qatarliq mesililer muzakire qilinidiken.

Amérika qoshma shtatlirining mu'awin prézidénti jow baydinning türkiyening we ottura sherq döletlirining weziyiti bundaq jiddiy bir ehwalda türkiyege ziyaret élip bérishtiki meqsiti néme? amérika bilen türkiye bu uchrishishlarda rayondiki murekkep weziyet heqqide hem pikir bolalarmu? dégen'ge oxshash so'allargha jawab tépish üchün enqere ghazi uniwérsitéti oqutquchisi proféssor doktor memet akif oqur ependi we tetqiqatchi zhurnalist hamut köktürk ependiler bilen téléfon söhbiti élip barduq.

Proféssorr doktor memet oqur ependi jobaydinning türkiyege ziyaret élip bérishtiki meqsiti heqqide toxtilip mundaq dédi: "Hazir süriyede bashlinip, türkiyede ulghiyip ketken p k k térror mesilisining kün tertipte bolidighanliqi éniqtek qilidu. Amérika qoshma shtatliri türkiyening p k k térror teshkilati bilen munasiwiti bar bolghan süriyening shimalidiki 'p y d' teshkilati bilen alaqe qurushini arzu qilidu. Türkiye bolsa barghanséri köpiyiwatqan térror hujumini körsitip turup, p y d bilen alaqe qurushni qobul qilmaydu. Bu sewebtin köprek kürt mesilisi, bu mesilining süriyege uzirishi, p k k térror mesilisi toghrisida muzakire élip bériliwatqanliqini körüwalalaymiz."

U, amérika qoshma shtatliri bilen türkiye otturisidiki muzakiride bezi mesililerde asanliqche pikir birlikige kélelmeydighanliqini bayan qilip mundaq dédi: "Bezi mesililerde asanla hem pikir bolalmaydu dep oylaymen, chünki türkiye térrorning shidditini yéqindin hés qiliwatidu. Türkiye süriyediki 'p y d' ning türkiyediki 'p k k' bilen munasiwiti barliqini bilidu. Shunga türkiye amérika qoshma shtatlirining bu heqtiki teleplirini asanliq bilen qobul qilmaydu dep oylaymen. Amérika qoshma shtatliri demeshq iraq islam döliti térrorchilirigha qarshi küreshte süriyediki kürtler qurghan 'p y d' teshkilatini qollaydu. Shunga bu mesile toghrisida muzakire élip bérishi mumkin dep oylaymen. Bu yerdiki achquchluq mesile, süriyening shimalidiki p y d teshkilatini türkiye qanuni teshkilat dep qobul qilsa, p k k teshkilati bilen birlikte türkiyege éghir xewp élip kélidu."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.