Amérikidiki Uyghur jama'iti noruz chécheklirige pürken'gen washin'gtonda noruz bayrimini kütiwaldi

Bu yilliq noruz bayrimi mezgilide washin'gtonni noruz chéchekliri qaplidi

Pütkül tebi'et dunyasi oyghiniwatqan, etiyazliq kün - tün tengshilishke qarap yüzlen'gen bahar peytide amérikida yashawatqan Uyghur jama'iti yéngi bir yilliq noruz bayrimini kütiwaldi.

Amérika prézidénti barrak obamaning 19 - mart küni iran we pütün dunyadiki noruz bayrimini qutluqlaydighan xelqlerge yollighan noruzluq salimi bu yilliq noruz keypiyatini téximu yoqiri kötürdi.

Washin'gton'gha qoshna wirjiniye shtatining feyirfaks rayonidiki “Amérika - türk dostluq jem'iyiti” ge jem bolghan Uyghur jama'iti 20 - mart chüshtin kéyin 2016 - yilliq noruz pa'aliyitini resmiy bashlidi.

Amérika Uyghur jem'iyitining yéngidin teyinlen'gen re'isi ilshat hesen ependi bashlinish nutqi sözlep, aldi bilen jama'etning noruz bayrimini qutlidi.

Ilshat hesen ependi sözide ötken bir yilda Uyghurlar wetini hem muhajirettiki Uyghur topluqlirida yüz bergen weqeler, hadisiler we yéngiliqlarni eslep ötti. Shuning bilen bir waqitta u yene, ötken bir yilda Uyghur xelqi shunche yoqitishlargha qarimay hélihem ümid bilen yashawatqanliqini, her bir Uyghur perzentining qelbide kelgüsige nisbeten yéngiche arzu - armanlarning jush uruwatqanliqini alahide tekitlidi.

U sözining axirida wetenni terk étishke mejbur bolup, muhajirette yashwatqan Uyghur jama'itining haman bir pütkül tebi'et dunyasi oyghiniwatqan, etiyazliq kün - tün tengshilishke qarap yüzlen'gen bahar peytide amérikida yashawatqan Uyghur jama'iti yéngi bir yilliq noruz bayrimini kütiwaldi.Küni öz wetinige qaytalaydighanliqigha shundaqla ana tupraqta noruz bayrimini qutliyalaydighanliqigha chongqur ishinidighanliqini bildürdi.

Noruz pa'aliyiti dawamida amérika Uyghur jem'iyitining mu'awin re'isi ömer qanat ependi söz qilip, noruz pa'aliyiti üchün mexsus sen'et nomurliri teyyarlap kelgen yashlarni sehnige teklip qildi.

Özining yéqimliq awazi bilen “Ana yurtum” namliq naxshisini jama'etke teqdim qilghan Uyghur yash daniyar jama'etning küchlük telipi bilen yene bir yürüsh xelq naxshilirini orunlidi.

Xuddi amérika prézidénti barrak obama bu yilliq noruz nutqida tekitligendek, bahar özining illiq tiniqi bilen her bir qelbke ümid we asayishliq élip kelgüsi.

Amérikidiki Uyghur jama'itimu noruz chéchekliri hüppide échilishqa bashlighan paytext washin'gtonda kelgüsige bolghan ümid we armanliri bilen noruz bayrimini kütiwaldi.

Tepsilatini awaz ulinishtin anglighaysiz.