Ana-bala muhajir doxtur: “Xeyr-saxawetchi izdewétip xeyr saxawetchige aylinip qalduq”

Muxbirimiz shöhret hoshur
2017.12.12
Share on WhatsApp
Share on WhatsApp
Ana-Bala-Uyghur-Doxtur-Setiralar-Somaliada-2.jpg Ana-bala Uyghur doxtur-séstralar somalida.
RFA/Shohret Hoshur

Somalida 3 ay insanperwerlik yardimi bilen meshghul bolghan Uyghur ana-bala doxtur bügünki programmimizda, özlirining xeyr-saxawetke éhtiyajliq turuqluq qandaqlarche xeyr-saxawetchi bolup qalghanliqi we somalidiki 3 ayliq hayatida ay yultuz kökbayraq yeni sherqi türkistan bayriqini néme üchün qolidin chüshürmigenliki heqqide pikir we tesirat bayan qildi.

Hazirgha qeder ashkarilan'ghan axbarat uchurliridin melum bolushiche, Uyghur muhajirlirining sani we türi qanche küp bolushidin qet'iynezer, ularning zulumdin qéchip chiqqanliqi we yardemge éhtiyaji barliqi ortaq nuqta bolmaqta. Shunga biz somaligha insanperwerlik yardimi üchün barghan we u yerde 3 ay xizmet qilghan Uyghur ana-bala doxturdin, ularning somaliy sepirining sewebi heqqide yene ilgirilep melumat soriduq.

Arzugül xanim, özlirining xeyr-saxawetchi izdewétip xeyr-saxawetchige aylinip qalghanliqidek bir ré'alliqni yoshurmidi. Uning déyishiche, ular erzan öy izdep izmirning qush'adasigha ketken, u yerdiki waqtida istanbulning beylikdüz dégen yéride bikarliq bir öy barliqini anglap, istanbulgha yénip kelgen we xeyr-saxawet üchün ayrilghan mezkur öyde bir mehel turghan. Emma ish izdesh, ish tépish we ishleshtin ibaret hayatning téximu jiddiy éhtiyajlirigha, beylikdüzdiki bu bikarliq öyde turup jawab tapqili bolmaydighan bolghachqa, bu öyni igisige yanduruwétish koyigha chüshken. Öy igisi özlirining somalida xeyr-saxawet bilen shughulliniwatqanliqi we xalisa ularningmu xalisane xizmet qilishqa éhtiyaj barliqini bildürgen. Nede turush, nede ishlesh koyida bash qaturuwatqan bu Uyghur ana-bala, bu yashash we özi üchün xizmet qilishtin ibaret bu pursetke ching yépishqan.

Adette Uyghurlar jama'et sorunlirida öz qiyinchiliqi heqqide éghiz échishni, bolupmu tirikchilik jehette yaman künde qalghanliqi heqqide söz qilishni xalimaydu؛ emma söhbitimizdin melum bolushiche, bu ana-bala doxtur undaq emes؛ chünki bular özlirining yashash iqtidarigha yüzde-yüz ishinidu؛ béshigha kelgen pütün palaketchilikning sewebini, adaletsizlik, döletsizlik, asaret dep qaraydu. Shunga ular somalida yashighan 3 ay dawamida ay-yultuzluq kök bayraqni bir künmu qolidin chüshürmigen.

Buning sewebini ularni mundaq chüshendüridu: “Béshimizgha kelgen ongushsizliqning tüp sewebi döletsizlik-bayraqsizliq ikenlikini burundinla bilimiz, emma u bayraqni kötürüsh pursiti hayatimizning hazirghiche qismida asasen mumkin bolmay keldi, shunga boshluqlarni toldurayli deydu”.

Yuqirida, somalida 3 ay xeyr-saxawet ishliri bilen shughullan'ghan ana- bala muhajir doxturning xeyr-saxawet ishliri dawamida qolidin ay-yultuzluq kökbayraqning chüshmigenliki heqqide melumat berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.