Uyghur ana-bala tughut doxturliri somalida insanperwerlik yardem pa'aliyitige qatnashqan

Muxbirimiz shöhret hoshur
2017.12.07
Share on WhatsApp
Share on WhatsApp
Ana-Bala-Uyghur-Doxtur-Setiralar-Somaliada-1.jpg Ana-bala Uyghur doxtur-séstralar somalida.
RFA/Shohret Hoshur

Türkiyede yashawatqan Uyghur muhajirlardin ana-bala tughut doxturi we séstra ichki urushning tesiridin teltöküs qutulup bolalmighan sherqiy afriqadiki eng tinchsiz dölet somaligha bérip, insanperwerlik dawalash pa'aliyitige qatnashqan.

Igilinishiche, bu ana-bala doxtur we séstra somalida lagérlarda yétiwatqan köp sandiki kishilerning dawalashqa mohtajliqi, emma rayonning tinchsizliqi sewebidin doxtur-séstralarning mezkur lagérlargha yéqin kelmeywatqanliqi heqqide uchur tapshuruwalghandin kéyin, derhal somaligha qarap yolgha chiqqan we 3 ay bu yerde heqsiz dawalash élip barghan. Türkiyediki iqamiti (turush ruxset xéti) ning waqtini uzartish üchün mushu ayning 2-küni türkiyege qaytip kelgen bu ana-bala doxtur-séstradin arzigül nurmemet bügün muxbirimizning ziyaritini qobul qilip, özlirining somali sepiri heqqide melumat berdi. 

Afriqa tumshuqigha jaylashqan somalida 1991‏-yili bashlan'ghan ichki urush 2012‏-yili asasen axirlashqan bolsimu, tinchliq téxi teltöküs eslige kelmigen. Bir qisim jaylarda, bolupmu somalining ilgiriki paytexti dabowada minglarche kishi chédir tikip yashimaqta. Uyghur élida özliri duch kelgen zulum-zorawanliqtin qéchip chiqqan we türkiyede istiqamet qiliwatqan Uyghur muhajirlardin Uyghur ana-bala doxtur-séstralar ene shu dabowa shehiride 3 ay insanperwerlik yardimi we dawalash pa'aliyiti élip barghan. Dölet térrorluqi höküm sürüwatqan zulmetlik bir rayondin jénini aliqinigha élip qéchip chiqqan bu ana-bala doxtur-séstraning urush oti teltöküs öchmigen somalidek bir dölette 3 ay turushi we xizmet qilishqa türtke bolghan sewebler zadi néme? bu so'alning jawabini söhbet xatirisidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.