Awstraliyening adilayt shehiride ötküzülgen parattin ötüsh pa'aliyitige Uyghurlarmu qatnashti

Ixtiyariy muxbirimiz haji qutluq qadiri
2017-01-27
Share
awstraliye-uyghur-parat-2017.jpg Awstraliyening adilayt shehiride ötküzülgen parattin ötüsh pa'aliyitige qatnashqan Uyghurlar
RFA/Haji Qutluq Qadiri


26-Yanwar awstraliyening dölet bayrimini tebriklesh yüzisidin adilayt sheherlik hökümet teshkilligen parattin ötüsh pa'aliyitige mezkur sheherde pa'aliyet élip bériwatqan sherqiy türkistan jem'iyitining teshkilishi bilen yüzdin oshuq Uyghur kolléktip halda qatnashqan.

Adilayt shehiride ötküzülgen parattin ötüsh pa'aliyitige qatnashqan Uyghurlar bir aptomobilni rengdar etlesler bilen mexsus bizep, özgiche alahidilikke ige bolghan Uyghurche kiyimlerni kéyiship, merdane we jushqun keypiyat bilen sherqiy türkistan bayriqini igiz kötürüp, re'is sehnisidin ötkende mezkur paratni tamasha qiliwatqan yüz mingdin oshuq kishi Uyghur paratchilirini qizghin alqishlighan.
Awstraliyening adilayt shehiride ötküzülgen parattin ötüsh pa'aliyitige qatnashqan Uyghurlar
Parattin ötüsh pa'aliyiti shu yer waqti chüshtin kéyin sa'et beshte bashlinip kech sa'et yettide axirlashqan.

Biz mezkur pa'aliyet heqqide toluq melumatqa érishish üchün neq meydan'gha téléfon qilip, awstraliye sherqiy türkistan jem'iyitining re'isi nurmuhemmet türkistani we bashqa paratqa qatnashqan Uyghurlar bilen bu heqte téléfon ziyariti élip barduq.
Awstraliyening adilayt shehiride ötküzülgen parattin ötüsh pa'aliyitige qatnashqan Uyghurlar
Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet