Awstraliyede 5-iyul weqesining 4 yilliqi xatirilendi

7 - Ayning 5 - küni awstraliyining mélburn shehiridiki xitay konsulxanisining aldida ürümchi weqesining 4 - yilliq xatirisi shundaqla turpan we xotende bolghan weqelerge bolghan naraziliqini bildürüp namayish élip bérildi. Bu namayish sherqiy türkistan awstraliye jem'iyetning orunlashturushi bilen adilayd, sédnéydiki Uyghur jem'iyitining aktip qatnishishi bilen élip bérildi.

Namayish etigen sa'et 10da bashlan'ghan bolup, qatnashquchilar türlük sho'arlarni towlap öz naraziliqini bildürdi hem teshwiqat waraqlirini tarqatti. Wekiller söz qilip awstraliye hökümitining, awstraliye ministiri kewin radning heriket élip bérishini, xitay hökümitining Uyghurlargha yürgüzüwatqan basturush we tutqun qilish heriketlirini toxtitishni telep qildi. Yoldin ötken awstraliyiliklermu özlirining qollighanliqini bildürüshti hem namayishchilargha medetler berdi.

Sédniy Uyghur jem'iyitige wakaliten ziyaritimizni qobul qilghan pa'aliyet ishtirakchiliridin gülmire zunun xanim we mehmet chelepchi ependi yürek sözlirini anglatti.

Namayishtin kéyin bu heqte yene sherqiy türkistan awstraliye jem'iyitining katipi nurmuhemmet türkistani ependini ziyaret qilduq.

Ikki sa'etke yéqin dawamlashqan bu qétimqi namayish etigen sa'et 10.00Da bashlinip sa'et 12:00de axirlashti. Namayishtin bashqa sherqiy türkistan awstraliye jem'iyitining orunlashturushi bilen awstraliyining adilayd shehiride 5 - iyul ürümchi weqesining 4 yilliqini xatirilesh we shéhitler rohigha atap du'a qilish söhbet xatirisi ötküzüldi.

Awstraliyidin abide teyyarlidi.