Awstraliyede merhum hüsen hesen ependining ish - izlirini eslesh pa'aliyiti ötküzüldi

Bügün awstralyening sidnéy shehiride pidakar pa'aliyetchi, chet'ellerdiki Uyghurlar arisida tonulghan ziyaliy merhum hüsen hesen ependining ish - izlirini eslesh pa'aliyiti ötküzüldi.

D u q bilen awstraliye Uyghur jem'iyiti birlikte uyushturghan bu pa'aliyetke d u q rehberliri, awstralyediki sherqiy türkistan ammiwi teshkilat mes'ulliri, türk teshkilatlirining mes'ulliri, merhumning uruq - tughqanliri we bashqa awstraliyeliklerdin bolup köp sanda kishi qatnashti. Yighilishqa qatnashqan kishiler merhum hüsen hesenning ish - izlirini eslep, uning sherqiy türkistan dewasigha qoshqan töhpisige yuqiri baha bergen.

Biz yighilish heqqide melumat igilesh üchün d u q ijra'iye komitéti re'isi dolqun eysa, mu'awin re'isi memtimin ela we awstraliye Uyghur uyushmisi mes'uli jür'et ependiler bilen söhbet élip barduq.