Awistiraliyede sherqiy türkistanliqlar öyi échildi

Ixtiyariy muxbirimiz abide
2013-09-30
Share
awustraliye-sherqiy-turkistanliqlar-oyi-305.png Awistiraliyede échilghan sherqiy türkistanliqlar öyi
RFA/Abide


9 - Ayning 29 - küni awstraliyining adilayd shehiride sherqiy türkistan awstraliye jem'iyitining orunlashturushi bilen adilayd jama'itining iqtisadiy hem meniwi jehettiki qollashliri bilen sétiwélin'ghan, awstraliyidiki tunji sherqiy türkistanliqlar öyi pa'aliyet merkizining ichilish murasimi ötküzüldi.

Pa'aliyet adilaydtiki Uyghurlarning diniy alimi, imam abdusalam alim ependining qur'an tilawet qilishi bilen bashlandi. Bügünki bu pa'aliyetning méhmanliri bolghan jenubiy awstraliye hökümitining wekili, parlamént ezaliridin toni zepiya ependi, deywid pisuyni ependi, fransiz bedfurd xanim qatarliqlar, sherqiy türkistan awstraliye jem'iyitining re'isi abdulghopur mömin ependi, sherqiy türkistan awstraliye jem'iyitining katipi nurmuhemmet türkistani, shundaqla pexri re'is exmet igemberdi ependiler teklip bilen sözge chiqishti.

Pa'aliyetning eziz mihmanliridin biri bolghan fransiz bedfurd xanim ziyaritimizni qobul qilip söz qildi.

Awstraliyide sherqiy türkistanliqlar teripidin tunji échilghan bu pa'aliyet merkizi, bügünki pa'aliyetning ehmiyiti we tesiri heqqide téximu éniq melumatlargha érishish üchün jenubiy awistiraliye islam jem'iyitining re'isi imam abdusalam alim ependini ziyaret qilduq.

Bügünki bu pa'aliyetke qatnashqan méhmanlardin biri öz yürek sözlirini mundaq ipadilidi.

Üch sa'ettin artuq dawamlashqan bu pa'aliyet bashtin - axiri intayin janliq, qizghin keypiyatta ilip bérilghan bolup, xanimlar teyyarlighan oxshighan Uyghur ta'amliri bilen pishuruqliri pa'aliyet keypiyatini yene bir pelle yuqiri kötürdi. Pa'aliyet jama'etning jem'iyet ishlirigha, wetendiki zulum astida yashawatqan qérindashlirigha du'alar qilish bilen ayaghlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet