Awstraliyede ötküzülgen “Tinchliq féstiwali”gha Uyghurlarmu qatnashti

28-Yanwar awstraliyening adilyat shehiride jenubiy awstraliye islam diniy jem'iyiti we awstraliye hökümitining teshkillishi bilen ötküzülgen “El-salam” (tinchliq féstiwal) gha Uyghurlarmu qatnashqan.

Mezkur féstiwalgha qatnishiwatqan “Awstraliye sherqiy türkistan jem'iyiti”ning re'isi nurmuhemmmet türkistanining bildürüshiche, féstiwalda Uyghur jama'iti Uyghur ta'amliridin polo we kawap qatarliq tamaqlarni teyyarlap pa'aliyette Uyghurlarning tamaq medeniyitini namayan qilish bilen birge nöwettiki Uyghur élining yéqindin buyanqi siyasiy weziyiti toghrisida teyyarlan'ghan teshwiqat waraqchilirini tarqatqan.

Féstiwalda özgiche ta'amliri we teshwiqat waraqchiliri bilen kishilerning diqqitini tartqan Uyghur jama'itidin uzundin buyan adilayt shehiride élip bériliwatqan Uyghur kishilik hoquq pa'aliyetlirini yéqindin qollap kéliwatqan jenubiy awstraliye parlamént ezasi frankés bédfor xanim semmiy hal sorighan we ular bilen söhbette bolghan.

Pa'aliyet adilyat shehiridiki bir baghchida élip bérilghan bolup,pa'aliyet etigen sa'et 11 din kech sa'et yettige qeder dawam qilghan.Pa'aliyetke texminen on minggha yéqin kishi qatnashqan.

Biz bu munasiwet bilen neq meydan'gha téléfon qilip mezkur féstiwalgha qatnishiwatqan awstraliye sherqiy türkistan jem'iyitining re'isi nurmuhemmet türkistani we bashqa ishtirakchilar bilen bu heqte téléfon söhbiti élip barduq.

Nöwette,diqqitinglar bu heqtiki söhbet programmisida bolghay.

Yuqiriqi awaz ulinishidin tepsilatini anglang.