Dunya Uyghur ayallar birliki shimaliy amérika shöbisi kanadada ish bashliwetti

Ixtiyariy muxbirimiz gülshen abduqadir
2013-05-30
Share
dunya-uyghur-ayalliri-birliki.JPG Kanada london shehiride ötküzülgen féstiwalidiki Uyghur tezgasidin bir körünüsh. 2013-Yili may.
RFA/Gulshen

Yéqinda dunya Uyghur ayallar birliki shimaliy amérika shöbisi bilen kanada Uyghur jem'iyiti birlikte kanadaning london shehiride ötküzülgen türk medeniyet féstiwaligha qatnashti.

Féstiwalni kanadada pa'aliyet élip bériwatqan anadolu türk en'eniwi medeniyetler merkizi teshkilligen bolup, bu merkezdin igilishimizche, bu féstiwal bu merkez élip barghan tunji medeniyet féstiwali iken.

Türk dunyasining muhim bir ezasi bolush süpiti bilen tunji nöwetlik türk en'eniwi medeniyetler féstiwaligha teklip qilin'ghan kanadada yashawatqan Uyghurlar, féstiwalda teqlid qilin'ghan qeshqer yekshenbe baziri tesis qilip, Uyghur en'eniwi tamaq türliridin polu, samsa, chong texsilik toxu qorumisi, Uyghur tonur néni, qoruma kawap qatarliqlarni yermenke qilip satti.

Uyghur we in'gliz yéziqida yézilghan qeshqer yekshenbe baziri dégen lozunka we lozunkigha chüshürülgen Uyghurlarning süretliri shuningdek sherqi türkistanning ay yultuzluq kök bayriqi féstiwal ishtirakchilirining qiziqish nuqtisi shundaqla so'al nuqtisigha aylandi.

Dunya Uyghur ayallar birliki bu yil aprélda firansiyening paytexti parizh shehiride chaqirilghan 6-nöwetlik Uyghur xanim qizlirini démokratiye we kishilik hoquq bilimliri boyiche terbiyilesh kursi jeryanida, dunyaning herqaysi jayliridiki 11 dölettin kelgen 63 neper Uyghur xanim qizlar wekillirining birlikke kélishi netijiside dunyagha kelgen.

Tepsilatini yuqiridiki ulinishtin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet