Б д т дә уйғур мәсилиси йәнә бир қетим оттуриға қоюлди

Б д т кишилик һоқуқ кеңишиниң 28 - нөвәтлик даимий йиғинида уйғурлар дучар болуватқан инсан һәқлири дәпсәндичилики оттуриға қоюлди.

13 - Март күни чүштин кейин б д т ниң җәнвәдики залида өткүзүлгән даимий йиғинда дуня уйғур қурултийиға вакалитән петер ивен әпәнди сөз қлип уйғурлар дучар болуватқан инсан һәқлири дәпсәндичиликини аңлатқан. У нутқида хитайниң 2005 - йили киргәндин кейинму 2014 - йилидикигә охшашла қаттиқ бастуруш, тутқун қилиш, өлтүрүш һәрикәтлирини давам қиливатқанлиқини, 2014 - йили шәрқий түркистанда уйғурларға елип бериватқан бастуруш сияситиниң дәһшәтлик бир түс алғанлиқини, аталмиш шинҗаң уйғур аптоном район баш тәптишиниң 2014 - йилида 27 миң 600 нәччә кишини қолға елип вәзипини 2013 - йилидикигә қариғанда 95% ашуруп орунлиғанлиқини җакарлиғанлиқини мисал қилип туруп аңлатқан. У б д т кишилик һоқуқ кеңишиниң 28 - нөвәтлик даимий йиғинида қилған нутқида йәнә, хитай дөлитиниң уйғурларниң ана тилини ишлитиш һуқуқини қолидин тартивалғанлиқини, илһам тохти қатарлиқ зиялийларни уйғурларниң қануний һәқлирини қоғдиғанлиқи үчүнла түрмигә ташлиғанлиқини вә хитай һөкүмитиниң уйғурларға қаритилған бесим сияситини күндин - күнгә күчәйтип йүргүзүватқанлиқини оттуриға қойди.

13 - Март күни долқун әйса әпәнди бирләшкән дөләтләр тәшкилатиниң алаһидә вәкили һейинер бейлефелд әпәндини ишханисида зиярәт қилип хитайниң уйғурларға қарита елип бериватқан бесим сияситини әйибләп бәргән баянати үчүн дуня уйғур қурултийиға вакалитән рәһмәт ейтти.

Кейин хитай һәйити сөз қилип д у қ һәйитиниң баянлирини рәт қилди.

Д у қ иҗраийә комитети мудири долқун әйса әпәнди билән петер ивен әпәндиниң бүгүнки паалийити наһайити ғәлибилик өткән болуп, мухбиримиз техиму тәпсилий мәлумат елиш үчүн долқун әйса әпәнди билән телефон сөһбити елип барди.