Biryusséldiki yashlarni terbiyilesh kursida önümlük alaqe we nutuq usulliri ögitildi

31-Mart dawamlishiwatqan Uyghur yashlirini terbiyilesh kursida nutuq we kishilik munasiwet sorunliridiki alaqining ünümlük usulliri ögitildi.

D u q teripidin bélgiye paytexti biryussélda ötküzülüwatqan Uyghur yashlirini démokratiye, kishilik hoquq, qanuniy bilimler bilen terbiyilesh kursining 2-küni, yeni 31-mart chüshtin burun, aldi bilen u n p o tetqiqatchisi nikoletta enriya xanim Uyghur yashlirigha “Ijtima'iy alaqe wastiliridin ünümlük paydilinishning yolliri” dégen témida bir sa'et ders ötti. Bu derste fésibok, tiwittér, tor betliridin ünümlük paydilinip, Uyghurlar mesilisini xelq'arada keng teshwiq qilishning konkrétni usulliri tonushturuldi.

Sa'et 10:00 din bashlap nutuq sen'iti we kishilik munasiwetning ünümlük usulliri toghrisida mutexessis pemma fokis xanim “Ünümlük alaqe usulliri” dégen témida 4 sa'et ders sözlidi. Bu ders Uyghur yashlirini özige magnittek jelp qiliwaldi. Deriste, jama'et sorunlirida, siyasiy sehnilerde nutuq sözleshning téxnikiliq asasliri chüshendürüldi. Uyghur yashliri neq meydanda sehnige teklip qilinip, nutuq pa'aliyetlirige uyushturuldi. Uyghur yashlirini “Siz bu kursqa néme meqsette qatnashtingiz? Uyghurlar mesilisi heqqide némilerni bilisiz?” dégendek témilarda nutuqlar sözlitip, ular öz talantlirini jariy qilishqa righbetlendürüldi. Zal ichidin alqish sadaliri üzülmidi.

Bu derske qatnashqan bilgiyelik Uyghur yashlar wekilliridin elihaji neq meydanda ziyaritimizni qobul qilghanda, “Men sherqiy turkistan mesilisini xelq'arada yenimu keng tonutushning yollirini öginiwaldim” dédi.

Pemma fokis xanim bu ders jeryanida yene, özining alaqe we nutuq mutexessisi bolushtek alahidilikliridin paydilinip, tibet mesilisini bashqilargha tonutush yolida qilghan xizmetliri hem hasil qilghan tejribe-sawaqlirinimu tonushturup, Uyghurlar mesilisini bashqilargha anglitishta bulardin paydilinishni tewsiye qildi.

Ders xatimiside, pemma xanim Uyghur yashliridin émtihan élip, her bir oqughuchini 30 sikont nutuq sözletti. Yashlarning sözligen nutuqlirining nutuq sen'itige uyghun bolghan yaki bolmighanliqini bahalap chiqti. Sehnilerde, jama'et sorunlirida Uyghurlar mesilisini anglatqanda diqqet qilidighan nuqtilarni inchike sherhiylidi.

Amérikidin kelgen Uyghur qizi ziyaritimizni qobul qilghanda, özining bügünki bu derstin köp bilimlerge ige bolghanliqini tilgha aldi.

Bugunki pa'aliyetning axirida, d u q rehberliri we kishilik hoquq pa'aliyetchiliri sehnige chiqip, Uyghur yashlirigha chet'eldiki milliy dewaning tarixini anglatti we yashlarning so'allirigha jawab berdi.

Bügünki bu pa'aliyet heqqide ziyaritimizni qobul qilghan yashlar öz tesiratlirini bildürüp ötüshti.