Дуня уйғур қурултийи рәиси долқун әйса японийәдә зиярәттә болди

Ихтиярий мухбиримиз әркин тарим
2017.11.28
Share on WhatsApp
Share on WhatsApp
Takashi-Nagao-dolqun-eysa.jpg Д у қ рәиси долқун әйса әпәнди японийә зиярити җәрянида японийә парламент әзаси такаши нагао әпәнди билән көрүшти. 2017-Йили 27-ноябир, японийә.
RFA/Erkin Tarim

Дуня уйғур қурултийи 6-нөвәтлик пәвқуладдә қурултийидин кейинла, д у қ рәиси долқун әйса әпәнди 24-ноябир күнидин 28-ноябир күнигичә японийәдә зиярәттә болди. японийә қурултийи қурулғанлиқиниң 20 йиллиқини тәбрикләш мурасимиға қатнишиш үчүн тәклипкә бинаән японийәгә барған долқун әйса әпәнди, японийә парламент әзаси такаши нагао, парламент әзаси, уйғур достлуқ гурупписи рәиси фүруя кеиҗи әпәнди, японийә парламенти юқири палата әзаси әрико яматани ханимлар билән учришип уйғурларниң һазирқи вәзийити, уйғур давасиниң һазирқи вәзийити тоғрисида мәлумат бәргәндин сирт, бундин кейинки һәмкарлиқ тоғрисида пикир алмаштурди. Биз бу зиярәт тоғрисида мәлумат игиләш үчүн д у қ рәиси долқун әйса билән телефон сөһбити елип бардуқ.

Долқун әйса әпәнди дуня уйғур қурултийиниң рәиси болуп сайланғандин кейинки тунҗи зияритини японийәгә елип барғанлиқини баян қилди.

Дуня уйғур қурултийи рәиси долқун әйса әпәнди бу қетим японийәниң әң чоң аммиви тәшкилатлиридин бири болған японийә қурултийиниң қурулғанлиқиниң 20-йиллиқи мунасивити билән өткүзүлгән мурасимға қатнишиш үчүн барғанлиқини, 27-ноябир күни токйода мәзкур мурасимға иштирак қилғанлиқини баян қилди. Долқун әйса әпәнди бу қетимқи японийә зиярити җәрянида парламент әзаси, уйғур достлуқ гурупписи рәиси фүруя кеиҗи әпәнди башчилиқидики көп санда сиясәтчиләр билән учришип бундин кейин қандақ һәмкарлиқ елип бериш тоғрисида музакирә елип барғанлиқини баян қилди. 

Долқун әйса әпәнди 24-ноябир күнидин 28-ноябир күнигичә японийәгә елип барған қисқа зиярити җәрянида японийәдики сакура телевизийисигә охшаш ахбарат органлириниң зияритини қобул қилип, уйғурларниң һазирқи вәзийити тоғрисида мәлумат бәргәнликини баян қилди. 

Дуня уйғур қурултийи вәкили илһам мәхмут әпәнди долқун әйса әпәндиниң бу қетимқи зияритиниң вақти қисқа болған болсиму наһайити үнүмлүк өткәнликини баян қилди. 

Илһам мәхмут әпәнди японийә парламентидики уйғур достлуқ гурупписи билән бундин кейин қандақ һәмкарлишиш тоғрисида муһим музакириләрниң елип берилғанлиқини баян қилди.

Бу йил қурулғанлиқиға 20 йил болған японийә қурултийи бу 20 йил җәрянида японийәниң миллий мәнпәәти, дөләт мудапиәси вә японийәниң миллий бихәтәрликини, японийә хәлқигә чүшәндүрүш, японийә мәнпәәтини қоғдашни мәқсәт қилған, японийәниң һәрқайси җайлирида шөбилири бар аммиви сиясий тәшкилатлардин бири болуп, кейинки 10 йилдин бери японийәниң асасий қануниға түзитиш киргүзүш хизмити елип бериш билән бирликтә уйғурларғиму көп ярдәм қилған. Илһам мәхмут әпәнди бу һәқтә қисқичә мәлумат бәрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.