D u q rehberliri "Türk ojaqliri" teshkilati bilen dostane munasiwet ornatmaqta

Ixtiyariy muxbirimiz erkin tarim
2017-12-25
Élxet
Pikir
Share
Print
D u q ning mu'awin re'isi doktor erkin ekrem ependi bilen d u q ijra'iye komitéti re'isi ömer qanat ependi türkiyening eng chong ammiwi teshkilatliridin "Türk ojaqliri" ni ziyaret qildi. 2017-Yili 22-dékabir, türkiye.
D u q ning mu'awin re'isi doktor erkin ekrem ependi bilen d u q ijra'iye komitéti re'isi ömer qanat ependi türkiyening eng chong ammiwi teshkilatliridin "Türk ojaqliri" ni ziyaret qildi. 2017-Yili 22-dékabir, türkiye.
RFA/Erkin Tarim

22-Dékabir küni d u q ning mu'awin re'isi doktor erkin ekrem ependi bilen d u q ijra'iye komitéti re'isi ömer qanat ependi türkiyening eng chong ammiwi teshkilatliridin "Türk ojaqliri" ni ziyaret qildi. Ziyarette jeryanida ömer qanat ependi d u q ning yéqinda ötküzülgen yéngi saylimi, kelgüsi xizmet pilanliri shuningdek "Türk ojaqliri" ning Uyghur teshkilatlirigha qilghan yardemlirige rehmet éytti. Shuning bilen bilen birlikte yene d u q ning bundin kéyin "Türk ojaqliri" teshkilati bilen élip barmaqchi bolghan hemkarliqliri heqqide pikir bayan qildi.

Körüshüsh jeryanida d u q ning mu'awin re'isi erkin ekrem ependi söz qilip, xitayning hazirqi weziyiti, bolupmu Uyghur diyarining yéqinqi ehwali toghrisida melumat berdi.

"Türk ojaqliri" ning re'isi, proféssor mehmet öz ependi teshkilatining dunyadiki eng chong ammiwi teshkilatlardin biri ikenlikini, özining aldi bilen d u q ning yéngi rehberlik hey'itini tebrikleydighanliqini bayan qilip, mundaq dédi: "Men aldi bilen d u q ning yéngi rehberlik hey'itini tebrikleymen, yéngi wezipenglerde muweppeqiyetlik bolushunglarni tileymen. Sherqiy türkistan mesilisi burundin tartipla bizningmu mesilimiz. Biz bir ammiwi teshkilat bolush süpitimiz bilen sherqiy türkistan mesilisini türk jama'etchilikige anglitishqa tirishiwatimiz. Xelq'aradimu küchimizning yétishiche bu mesilige köngül bölüshke tirishiwatimiz."

Proféssor mehmet öz ependi sözini dawamlashturup mundaq dédi: "Sherqiy türkistan mesilisi Uyghurlarning tili, dini we milliy kimlikini qoghdap qélish mesilisidur. Biz türkiye hökümitidin, xitay döliti bilen bolghan munasiwette sherqiy türkistan mesilisini kün tertipke élip kélishini kütimiz. Xitayning hazir Uyghurlargha élip bériwatqan milliy zulum siyasitini qobul qilghili bolmaydu. Biz bu mesililerni türkiye hökümitige yetküzduq we dawamliq halda ulargha yetküzüshke tirishimiz. Men 2018-yilining Uyghurlargha xeyrlik bolushini tileymen."

Uchrishish axirlashqandin kéyin biz d u q ning mu'awin re'isi, doktor erkin ekrem ependi we d u q ning ijra'iye re'isi ömer qanat ependiler bilen bu heqte söhbet élip barduq. Doktor erkin ekrem ependi, "Türk ojaqliri" teshkilatining 1912-yili qurulghan, türkiy milletlerning mesililirige yéqindin köngül bölüp kéliwatqan bir teshkilat ikenlikini shundaqla uning türkiyede küchlük ammiwi asasqa ige ikenlikini bildürdi. U yene bu teshkilatning bu ewzellikliridin paydilinish we uning bilen yéqin munasiwet örnitishning Uyghur dewasini kücheytishte muhim rol oynaydighanliqini bayan qildi.

Amérikadiki "Uyghur kishilik hoquq qurulushi" ning diréktori, d u q ning ijra'iye komutétining re'isi ömer qanat ependi ziyaritimizni qobul qilip uchrishishning intayin muweppeqiyetlik bolghanliqini ilgiri sürdi. U, bu qétim mezkur teshkilatning rehberliri bilen uchriship ulardin bundin kéyin hemkarliqni kücheytish toghrisida wede alghanliqini tilgha aldi.

"Türk ojaqliri" teshkilati 105 yilliq tarixqa ige terkiyediki eng chong ammiwi teshkilatlarning biri bolup, ilgiri muhemmed'imin bughra, eysa yüsüp aliptékin, memet riza békin qatarliq muhajirettiki Uyghur rehberlirimu mezkur teshkilat bilen yéqin munasiwette bolghan shundaqla sherqiy türkistan dewasida bu teshkilatning qollap-quwwetlishige érishken iken.

Toluq bet