D u q rehberliri se'udi erebistanda chaqirilghan xelq'araliq yighin'gha qatnashmaqta

Muxbirimiz erkin tarim
2015.02.24
dolqun-eysa-notuq-305.png Dolqun eysa nutuq sözlimekte
RFA/Dolqun Eysa/Qutlan


“Rabitul alemin islam”, yeni dunya islam teshkilatining teklipige bina'en d u q ijra'iye komitéti mudiri dolqun eysa we amérika, awstiriye, finlandiye, qazaqistan qatarliq döletlerdin kelgen wekiller se'udi erebistanning mekke shehriye chaqiriliwatqan “Xelq'ara térrorizmgha qarshi turush yighini”gha qatnashmaqta.

Bu yighin 2 - ayning 22 - küni mekke emiri xalit bin abduleziz bin se'udining échilish nutiqi sözlishi bilen bashlan'ghan. Bu yighin se'udi erebistanning yéngi textke chiqqan padishahi salman bin abduleziz elsu'udining himayiside échilghan bolup, yighin'gha 80 dölettin kelgen islam ölümaliri, mutexessisler, tetqiqatchilar, alimlar, xelq'araliq teshkilatlarning wekilliridin bolup 400 etrapida kishi qatnashmaqta. Yighin'gha Uyghurlargha wakaliten d u q ijra'iye komitéti mudiri dolqun eysa ependi, amérika Uyghur jem'iyitining sabiq re'isi, adwokat nuri türkel ependi, qazaqistandin shireli ependi, se'udi erebistandin memet yüsüp ependi we awstraliye, finlandiye qatarliq döletlerdin kelgen Uyghur wekillermu qatnashmaqta.

Dolqun eysa bergen melumatlargha asaslan'ghanda, yighinning asasiy témisi térrorizmgha qarshi turush bolup, yighinda térrorizm bilen dinning munasiwiti, iqtisadiy we ijtima'iy mesililerning térrorizm bilen bolghan munasiwiti, térrorizmning axbarat we ma'arip bilen bolghan munasiwetliri, shundaqla térrorizmning xelq'araliq we rayonluq baghlinishliri we térrorizmgha tesir qilghan amillar qatarliq témilar toghrisida muzakire élip bériliwétiptu.

Uyghur wekiller guruppa yighinlirida söz qilip Uyghurlar hazir duchar boliwatqan diniy bésimlar we xitayning Uyghurlargha élip bériwatqan diniy siyasiy térrorluqi anglitilghan. Bulardin sirt yighin ehlige dunya Uyghur qurultiyi teyyarlighan 2014 - yilliq insan hoquqliri depsendichiliki doklati tarqitip bérilgen. Bu doklatni xitay islam jem'iyiti mes'ulliri tungganlarghimu bérip, ulargha xitayning hazir Uyghur musulmanlirigha qiliwatqan bésim siyasiti toghrisidimu melumat bergen.

Yighin 22 - féwral künidin 25 - féwral künigiche se'udi erebistanning mekke shehiride ötküzilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.