D u q rehberliri tokyoda 19 Uyghur bérilgen sot hökümige naraziliq bildürüp bayanat élan qildi

D u q rehberliri tokyodiki séiryo sariyida qeshqer we aqsu sot mehkimisining hökümige naraziliq bildürüp bayanat élan qildi. 2013-Yili 21-iyun, yaponiye.

6 - Ayning 21 - küni yaponiyede pa'aliyette boluwatqan rabiye qadir xanim bashchiliqidiki dunya Uyghur qurultiyi rehberliri tokyodiki séiryo sariyida qeshqer we aqsu sot mehkimisining hökümige naraziliq bildürüp bayanat élan qildi.

Bayanatta 6 - ayning 19 - küni qeshqer we aqsudiki sot mehkimisi on toqquz Uyghurgha sot échip ulargha tor betliride milliy qutratquluq qilish, diniy esebiylik teshwiqati élip bardi - dégen jinayetler eyiblep, ularni oxshimighan derijide qamaq jazasigha höküm qilghanliqigha naraziliq bildürdi.

Dunya Uyghur qurultiyining rehberlirining bu qétimqi naraziliq bildürüsh pa'aliyitige yaponiye parlamént ezaliridin on neper neper kishi qatnashti. Yighin'gha qatnashqan parlamént ezaliri ayrim - ayrim halda söz qilip ötti.

Yaponiye parlaméntidiki “Yapon - Uyghur dostluq guruppisi” ning mexsus yollighan alahide mektup oqup ötüldi. Yaponiyining sabiq hawa armiye ofitséri tomogamé ependimmu ishtirak qildi we söz qildi.

Bu qétimqi naraziliq bayanati élan qilish pa'aliyitide Uyghur milliy herikitining rehbiri rabiye qadir xanim xitaydiki sot mehkimiside élan qilin'ghan hökümlerning sot mehkimisining xitayning qanunigha asasen élan qilin'ghan hökümler bolmastin belki, Uyghur élidiki xitay kompartiyesi teripidin alahide qurulghan siyasiy qanun komitétining hökümi ikenlikini bildürdi.

U yene, Uyghur xelqining intérnét toridin paydilinip öz - ara pikirlishish, söhbetlishish we shundaqla diniy, tarixiy mesililerni üstide munazire qilish hoquqningmu yoqluqi toghrisida toxtaldi.

Ziyaritimizni qobul qilghan rabiye qadir xanim bu heqte toxtaldi.

Dunya Uyghur qurultiyining mu'awin re'isi séyit tümtürk ependim xitayning Uyghur élidiki Uyghurlargha qarita siyasitini tizdin özgertmise, Uyghurlarni basturushini toxtatmisa, aqiwette qattiq bedel töleshke yoluqidighanliqini bildürdi.

Yighindin kéyin séyit tümtürk ependim özining qarashlirini tekitlep ötti.

Dunya Uyghur qurultiyining mu'awin re'isi ilham mexmut eger Uyghur élidiki Uyghur mehbuslarning adwokat teklip qilish hoquqining bolmaydighanliqini eskertip ötti.

Ilham mexmut ziyaritimizni qobul qilip bu heqte toxtaldi.

Bügünki pa'aliyet bashlinishtin ilgiri yighin zalida sherqiy türkistan dölet marshi bilen yaponiye dölet marshi orunlandi. Re'isi sehnisige sherqiy türkistanning ay yultuzluq bayriqi ésildi.

Bayanat élan qilish ikki yérim sa'etke yéqin dawamlashti. Yighin'gha jem'iy besh yüzge yéqin kishi qatnashti.