D u q wekilining söz heqqi tüpeyli b d t da xitay bilen démokratik döletler arisida talash-tartish chiqti

Ixtiyariy muxbirimiz ekrem
2016-11-25
Élxet
Pikir
Share
Print
D u q bash katipi dolqun eysa ependi "Az sanliqlar munbiri" yighinida sözde
D u q bash katipi dolqun eysa ependi "Az sanliqlar munbiri" yighinida sözde
RFA/Ekrem


Bügün d u q wekillirining b d t diki "Az sanliqlar munbiri" yighinida söz qilish heqqige xitay qarshi chiqqan, démokratik döletler qollighan. Ikki terep otturisidiki talash-tartish 25 minut dawamlashqan.

D u q bash katipi dolqun eysa ependining bügün jenwediki b d t bash shitabidin bergen melumatigha asaslan'ghanda, b d t kishilik hoquq merkizide 24-noyabir bashlan'ghan "Az sanliqlar munbiri" yighini bügün ikkinchi künige qedem qoyghan. Yüzlerche dölet we xelq'ara teshkilatlarning wekilliri qatnashqan bu yighinda d u q wekilliri Uyghurlargha wekaliten 3 minutluq söz qilish heqqige érishken.

Biraq, d u q wekilliri sözini bashla-bashlimayla, xitay terepning wekilliri ornidin turup, d u q ning térrorchi teshkilat ikenlikini, b d t da söz qilish salahiyiti yoqluqini bildürüp, d u q ning söz heqqige xatime bérishke urun'ghan. Xitayni pakistan'gha oxshash bir qisim döletler qollighan. Emma yene bir qisim gherb döletliri xitaygha étiraz bildürüp, d u q ning söz heqqini qollap pikirler bayan qilghan. Netijide talash-tartishlar bashlinip, 25 minut dawamlashqan.

Dolqun eysa ependining bildürüshiche, d u q ning programma yitekchisi pétér ependi munberde 3 minutluq söz heqqini ada qilghandin kéyin, xitay we xitaygha béqinidighan bir qisim döletlerning wekilliridin bashqa, pütün yighin ehli alqishlar yaghdurup qollighan. Emma, bu yighinda hindonéziyening xitayning teripini tutushi d u q bash katipini epsuslandurghan.

Chüshtin kéyin b d t kishilik hoquq kéngshide yene " Untulghan paji'eler we untulghan qurbanlar-azsanliqlar we insanliqning tehditke yoluqushi" témisida yighin bolup ötken. Dolqun eysa ependi bu yighinda söz pursitige ériship Uyghurlar mesilisi, jümlidin Uyghur muhajirliri mesilisi toghrisida doklatlar teqdim qilghan.

Dolqun eysa ependi yighin jeryanida yene, Uyghur muhajirlirigha heqiqiy rewishte ige chiqish mesilisi üstide b d t muhajirlar aliy komissarliqi xadimliri bilen söhbetler élip barghan. Bügün d u q bash katipi dolqun eysa we programma yitekchisi pétér ependiler éstoniye, chéx we bélgiye qatarliq döletlerning b d t diki bash elchiliri bilen ayrim-ayrim körushup, Uyghurlar mesilisi heqqide söhbetler élip barghan.

Dolqun eysa ependi ziyaritimiz xatimiside, b d t da élip barghan bu bir heptilik pa'aliyetning netijilik bolghanliqini eskertip ötti.

Téximu diqqetni chékidighini, bu qétim b d t saqchi xadimliri dolqun eysa ependini alahide muhapiziti astigha alghan. Saqchi mes'ulliri yighinning 1-künila uni ishxanisida ayrim qobul qilip, dolqun eysaning b d t diki pütün pa'aliyetliri we bixeterlikige b d t saqchi idarisining mes'ulliqini, u taki b d t din ayrilghiche uni muhapiziti astida tutidighan alahide xadimlar ajratqanliqini bildürgen.

Toluq bet