D u q hey'iti yaponiye mutexessisliri bilen dügilek üstel yighini ötküzdi

Ixtiyariy muxbirimiz erkin tarim
2018-04-06
Élxet
Pikir
Share
Print
D u q hey'iti yaponiye dölet ishliri istratégiye tetqiqat merkizi mudiri yoshiko sakura'i xanimning bashchiliqidiki mutexessisler bilen dügilek üstel yighinida. 2018-Yili 6-aprél. Tokyo, yaponiye.
D u q hey'iti yaponiye dölet ishliri istratégiye tetqiqat merkizi mudiri yoshiko sakura'i xanimning bashchiliqidiki mutexessisler bilen dügilek üstel yighinida. 2018-Yili 6-aprél. Tokyo, yaponiye.
RFA/Erkin Tarim

Dunya Uyghur qurultiyi rehberliri hey'iti yaponiye ziyaritining 6-küni yaponiye dölet ishliri istratégiye tetqiqat merkizi mudiri yoshiko sakura'i xanimning bashchiliqidiki mutexessisler bilen dügilek üstel yighini ötküzüp, Uyghurlarning nöwettiki éghir weziyiti, dunya Uyghur qurultiyining chet'ellerdiki pa'aliyetliri we bir qisim döletlerning Uyghur mesilisige bolghan köz qarishi hem Uyghurlarning yaponiyedin kütkenliri qatarliq keng témilar boyiche muzakire élip barghan.

Yighin'gha dunya Uyghur qurultiyi re'isi dolqun eysa, bayanatchi dilshat réshit we dunya Uyghur qurultiyining yaponiyediki wekili ilham mexmut ependiler ishtirak qilghan bolup, dolqun eysa ependi 40 minut doklat bergen.

Dolqun eysa ependi ziyaritimizni qobul qilip, dügilek üstel yighinigha yaponiye dölet ishliri tetqiqat merkizining mes'ulliri, tetqiqatchilar we tonulghan obzorchilardin bolup 25 kishining ishtirak qilghanliqini bayan qildi.

Dolqun eysa ependi 6-aprél küni yaponiye dölet ishliri tetqiqat merkizide ötküzülgen uchrishishta özining yaponiyelik mutexessislerge 40 minut etrapida doklat bergendin kéyin, axirida ularning Uyghurlar mesilisige a'it sorighan türlük so'allirigha jawab bergenlikini, mutexessislerning köprek Uyghurlarning hazirqi weziyiti toghrisida so'al sorighanliqini bayan qildi

Dolqun eysa ependi doklat axirida yaponiye dölitini asiyadiki démokratiye bilen bashquruluwatqan, dunyaning 3-chong iqtisadiy küchi bolush süpiti bilen Uyghur mesilisige köngül bölüshke chaqirghanliqini eskertti. 

Dunya Uyghur qurultiyining yaponiye wekili ilham mexmut ependi yaponiyede tonulghan zhurnalist we tetqiqatchi yoshiko sakura'i xanim mudirliq wezipisini ötewatqan yaponiye dölet ishliri tetqiqat merkizining xelq'ara munasiwetler, dunyadiki mesililer toghrisida tetqiqat élip bérip, yaponiyening tashqi siyasitige tesir körsiteleydighan tetqiqat merkizi ikenlikini bayan qildi. U bu merkezde 

Uyghurlar toghrisida bundaq bir yighinning chaqirilishining her jehettin paydiliq bolidighanliqini bayan qildi.

Dügilek üstel yighinigha ishtirak qilghan dunya Uyghur qurultiyi bayanatchisi dilshat réshit ependi uchrishishta yaponiyede Uyghur dawasining yaxshi bir yönilishke qarap mangidighanliqigha bolghan ishenchisining ashqanliqini bayan qildi.

Dunya Uyghur qurultiyi hey'iti 7-apréldin tartip yaponiyening bashqa sheherliridimu bir yürüsh pa'aliyetlerni élip baridiken. Buningdin ilgiri, dunya Uyghur qurultiyi wekilliri yaponiye parlaméntidiki bir qanche neper parlamént ezaliri bilenmu uchriship, ulargha Uyghurlar duch kéliwatqan mesililer, jümlidin Uyghurlarning kishilik hoquqlirining depsendichilikke uchrash ehwali heqqidiki doklatini sun'ghan idi.

Toluq bet