Erkin sidiq: “Uyghur bilim igiliri milletning teqdirigimu köngül bölüshi kérek!”

Muxbirimiz méhriban
2018.05.16
erkin-sidiq-turkiye-leksiye1-305.jpg “Uyghur pen-ma'aripi we Uyghurlarning kelgüsi” mawzuluq ilmiy muhakime yighinida erkin sidiq ependi alem tetqiqati toghrisida ilmiy doklat berdi. 2011-Yili 23-iyun.
RFA/Erkin Tarim

14-May küni amérika alem qatnishi idarisining optika inzhénéri, doktor erkin sidiq özi ishlewatqan tetqiqat guruppisi teripidin mukapatlan'ghan. Mezkur righbetlendürüsh mukapati uning “Alem boshluqida yéngi pilanétilarni közitidighan téléskop tetqiqati” diki alahide netijilirige bérilgen. Bu munasiwet bilen doktor erkin sidiq ependi radiyomiz ziyaritini qobul qilip, özining eng yéqinqi tetqiqat netijilirini tonushturdi we bügünki qiyin weziyette Uyghur bilim ademlirining kespiy jehettiki muweppeqiyetliri bilen bir waqitta yene weten-milletning teqdirige choqum köngül bölüshi lazimliqini tekitlidi.

Erkin sidiq ependi Uyghurlarning béshigha éghir künler kéliwatqan bügünki weziyette chet'ellerde yashawatqan Uyghur ziyaliylirining, bolupmu yuqiri qatlam bilim igilirining kespiy jehettiki tirishchanliq bilen bir waqitta yene Uyghur milliti duch kéliwatqan kirizslarni qandaq hel qilish, yash ewladlargha qandaq ilham bérish, milletning kelgüsi üchün ümid chirighini hergizmu öchürüp qoymasliq qatarliq mesililer boyiche öz qarashlirini otturigha qoydi.

U yene muhajirettiki Uyghur yashlirini özliri yashawatqan döletlerdiki ewzel shara'itlardin ünümlük paydilinip tiriship oqushi lazimliqini, shuning bilen bir waqitta yene ularning Uyghurluq milliy kimlikini untup qalmasliqini, Uyghurlar tarixtiki eng qiyin bir mezgilde turuwatqan bügünki künde yashlarning öz milliti üchün qurbi yetken herqandaq bir tirishchanliqni körsitishtin chékinmeslikini tewsiye qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.