Firansiye parlaméntida 5 - iyul weqesi we ilham toxti mesilisi heqqide mexsus yighin chaqirilmaqchi

Ixtiyariy muxbirimiz haji qutluq qadiri
2015.06.11
fransiye-aliy-palata-ezasi-abdre-gattolin.png Firansiye aliy palata ezasi angré gattolin (soldin ikkinchi kishi) firansiye parlaméntida Uyghur mesilisi heqqide chaqirilghan yighinda. 2014 - Yili aprél, parizh
RFA/Haji Qutluq Qadiri


3 - Iyul firansiye parlaméntida 2009 - yili ürümchide yüz bergen 5 - iyul qirghinchiliqi hemde Uyghur öktichi ziyaliyisi ilham toxti mesilisi heqqide mexsus yighin chaqirilidiken.

Firansiye Uyghur jem'iyitining re'isi erkin ablimitning bildürüshiche, bu qétimqi yighin firansiye Uyghur jem'iyiti bilen firansiye aliy palata ezasi angré gattolin teripidin uyushturulghan bolup, yighin'gha dunyaning her qaysi jaylirida pa'aliyet élip bériwatqan Uyghur teshkilatlirining wekilliri, firansiye parlamént ezaliri we shundaqla türk, tibet qatarliq teshkilatlarning wekillirimu qatnishidiken.

Firansiye parlaméntida ötküzülidighan bu yighin'gha uzundin buyan Uyghur mesilisige alahide köngül bolup kéliwatqan firansiyede tonulghan siyasiyon, aliy palata ezasi angré gattolin riyasetchilik qilidiken.

Bu qétimi firansiye parlaméntida chaqirilidighan yighin 3 - iyul bir kün dawam qilidighan bolup, yighinda 5 - iyul weqeside ölüp ketken we ghayib bolghanlar mesilisi we shundaqla Uyghur ziyaliysi ilham toxtining xitay türmisige menggülük qamaq jazasigha höküm qilinishidin ibaret bir qatar mesililer muzakire qilinish bilen birge, nöwettiki Uyghur élida élip bériliwatqan xitay kompartiyesining Uyghurlarni basturush siyasitini özgertish, xitayning térrorluqqa qarshi turushni bahane qilip biguna Uyghurlarni öltürüshtek qebih siyasetlirini toxtitish, xelq'ara jem'iyetni xitaygha bésim ishlitishke dewet qilishtek bir qatar mesililer üstidimu muzakire élip bérilidiken.

Biz, firansiye parlaméntida chaqirilidighan bu yighin heqqide tepsiliy melumatqa érishish üchün, firansiye Uyghur jem'iyitining re'isi erkin ablimit bilen téléfon söhbiti élip barduq.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.