Германийәниң брәмән шәһиридә бирләшмә намайиш өткүзүлди

Ихтиярий мухбиримиз әркин тарим
2014.12.15
germaniye-bremen-birleshme-namayish-2.jpg Германийәниң брәмән шәһиридики бирләшмә намайиш
RFA/Erkin Tarim


Хитай һакимийитиниң уйғурларға қаратқан бесим сияситиниң күндин - күнгә күчийип бериши, германийәдә яшаватқан түркләрниң мустәбит коммунист хитай һакимийитигә болған наразилиқини йәниму ашурди.

2014 - Йили 12 - айниң 13 - күни германийәдә яшаватқан йүзлигән түрк өзлириниң қан вә дин қериндашлири һесабланған уйғурларға игә чиқиш вә хитай һакимийитиниң уйғур қериндашлириға йүргүзүватқан қаттиқ бастуруш сияситигә қарши туруш мәқситидә германийәниң брәмән шәһиридә йиғилип хитай һакимийитигә қарши кәң - көләмдә бирләшмә намайиш өткүзди

Мәркизи германийәдә турушлуқ яврупа түрк - ислам бирлики тәшкилати тәрипидин уюштурулған бу қетимқи намайишқа германийәниң һәрқайси җайлирида яшаватқан 300 әтрапида түрк вә уйғур қатнашти.

Уйғурларға вакалитән дуня уйғур қурултийи иҗраийә комитети рәиси долқун әйса әпәнди бирләшмә намайишқа қатнишип, сөз қилди. У, нутуқида уйғур хәлқиниң әркинлики, мустәқиллиқ күришини бурундин тартип қоллап - қуввәтләп келиватқан түркләргә дуня уйғур қурултийи намидин рәһмәт ейтидиғанлиқини баян қилғандин кейин, намайишчиларға уйғур дияриниң нөвәттики җиддий вәзийити вә хитай һөкүмитиниң дөләт террор сияситиниң маһийити һәққидә мәлумат берип өтти.

Намайиш ахирилашқандин кейин, дуня уйғур қурултийи иҗраийә комитети рәиси долқун әйса әпәнди яврупа түрк ислам бирлики тәшкилатида уйғурларниң һазирқи җиддий вәзийити тоғрисида доклат бәрди.

Явропаниң һәрқайси җайлирида яшаватқан түркләр уйғур қериндашлириниң миллий дәвасини узун йиллардин бери қоллап - қуввәтләп кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.