Gérmaniyening brémin parlaménti Uyghurlar heqqide qarar layihisi maqullidi

Ixtiyariy muxbirimiz ekrem
2015-12-11
Share
germaniye-bremin-uyghur-mesilisi-2015.jpg Gérmaniyening brémin parlaménti Uyghurlar mesilisini muzakire qilmaqta
RFA/Ekrem


Xelq'ara kishilik hoquq küni munasiwiti bilen brémin parlaméntida chaqirilghan kishilik hoquq yighinida Uyghurlarning insaniy heqlirini qoghdash toghriliq qarar layihisi maqullinip, 5 türlük mezmun otturigha qoyuldi. Bu ishtin xewerdar Uyghur pa'aliyetchilerning bildürüshiche, bu qara layihesi gérmaniyediki Uyghur dewasi üchün zor ehmiyetke ige bolupla qalmastin, belki yene xitaygha bérilgen bir signal iken.

Uyghurlarning insaniy heqlirini qoghdash qarar layihisi gérmaniyediki 16 ölkining biri bolghan brémin parlaméntida nopuz igiligen chong partiyilerdin yéshillar partiyesi, sotsiyal démokratlar partiyesi, xristi'an sotsiyal partiyesi, erkin démokratlar partiyesi, solchillar partiyesi qatarliq partiyilerning ortaq awaz qoshushi bilen maqullinip, dölet aliy kéngishige yollandi.

Brémin parlaménti qarar maqullash yighinining neq meydan xatirisige asaslan'ghanda, bu qarargha solchilar partiyisidin bir qanche kishi qarshi turghanni hésabqa almighanda, bir birige qarshi bolghan barliq partiyilerning wekilliri ortaq qollighan.

Yéshillar partiyisidin mustafa öztürk, sotsiyal démokratlar partiyisidin antye grohér, xristi'an démokratlar partiyisidin susanni grobin, solchillar partiyisidin kindi tunjil, erkin démokratlar partiyisidin proféssor doktor hawké hilz, hökümet hem yawropa parlaménti wekili ulriké hillér qatarliqlar “Uyghurlarning kishilik hoquqi qoghdalsun” dégen bir témida nutuq sözlep, Uyghurlarning heq - hoquqini qoghdashning texirsizliki, mewjut Uyghurlar weziyiti hem xitaydiki kishilik hoquq depsendichilikining Uyghurlargha bolghan téximu yaman tesiri qatarliq mesililer otturigha qoyuldi.

Qarar layihisige baghlan'ghan 5 türlük nuqta, Uyghur köchmenliri mesilisi, yeni Uyghurlarning xitaygha qayturulushigha qarshi turush mesilisi, Uyghur siyasiy panahliq tiligüchiler mesilisi, Uyghurlarning diniy étiqad we medeniyitini qoghdash mesilisi, Uyghurlar uchrawatqan ten jazasi mesilisi we axirida ölüm jazasi mesililiridin ibaret.

Biz bu heqte téximu tepsiliy melumat élish üchün, bu qarar layihisidin xewerdar bolghan d u q rehberliridin ümid agahi we dolqun eysa ependilerni ziyaret qilduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet