Gérmaniyediki körgezmige ikki Uyghur qebrisi qoyuldi

Ixtiyariy muxbirimiz ekrem
2015-12-04
Share
germaniye-uyghur-korgezme-2015.jpg Körgezmidiki 5 - iyul weqeside iz - déreksiz ghayib bolghanlargha atap yasalghan qebriler
RFA/Ekrem


Gérmaniyening karlisruhi shehiridiki körgezmige qoyulghan Uyghur qebriliri 5 - iyul weqeside iz - déreksiz ghayib bolghanlargha atap yasalghan bolup, bu qebriler kishilerning diqqitini tartqan. Bu körgezme bu yil 4 - séntebir échilghan bolup, 2016 - yili 16 - yanwarghiche dawam qilidiken.

Karlisruhi shehiride yashawatqan Uyghur ziyaliysi enwer ependining bügün bergen melumatigha asaslan'ghanda, karlisruhi shehirining qurulghinigha bu yil 300 yil tolghan bolup, bu tarixni xatirilesh murasimi herxil mezmunlarda ötküzülgen. Karlisruhi shehirining 300 yilliq tarixini eslesh yüzisidin sheherlik muzéyda ötküzülgen körgezme, bu xatirilesh pa'aliyitining bir témisi bolghan. Körgezmige mezkur sheherning ötmüshini eslitidighan türlük buyumlar tizilghandin sirt, dunyadiki asaret astidiki milletlerning weziyitini tonutidighan körünüshlergimu orun bérilgen. Körgezmige qoyulghan Uyghur mazarliqi shuning jümlisidin biri bolghan.

Enwer ependining bildürüshiche, bu körgezmini baden wurténbérg hökümiti fondi, e'uronews, 300 yilliq toyni xatirilesh xizmet guruppisi, badenwurténbérg énérgiye merkizi qatarliq organlar qollighan. Körgezmige qoyulghan Uyghur mazarliqini karlisruhi muzéyi öz aldigha yasap chiqqan bolup, bu yerdiki ikki qebre we 2009 - yili 5 - iyul weqeside iz - déreksiz ghayib bolghan Uyghurlarning süritige a'it melumatlargha ularning qandaq érishkenliki melum emes. Emma ular, karlisruhi shehiride yashaydighan enwer isimlik bir Uyghurning barliqini bilip, uningdin Uyghur medeniyitige a'it buyumlar bilen teminleshni iltimas qilghan.

Enwer ependi bu körgezmining échilish murasimigha qatniship, bu yerdin Uyghurlarghimu bir kishilik orun bérilgenliki üchün rehmetlirini bildürgen hemde körgezmige qoyulghan qebriler heqqide sorighan.

Uyghur ziyaliysi enwer ependi bu pursettin paydilinip Uyghurlarni tonutushning türlük usullirigha muraji'et qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet