Gérmaniyening dortmund shehiridiki Uyghurlar noruz bayrimi ötküzdi

Muxbirimiz erkin tarim
2015-03-22
Share
germaniye-dortmund-noruz-3.jpg Gérmaniyening dortmund shehiridiki Uyghurlarning noruz pa'aliyiti
RFA/Erkin Tarim

Gérmaniyening shimaliy ren wéstfalya ölkisidiki dortmund shehiridiki Uyghurlar noruz bayrimi ötküzdi. 21 - Mart küni ötküzülgen noruz pa'aliyitige dortmund shehiridiki Uyghurlar, türkler we gérmaniyening miyunxén we frankfurt shehiridin teklip qilin'ghan bezi Uyghurlardin bolup 150 etrapida kishi qatnashqan. Uyghurlarni öz ichige alghan merkiziy asiya xelqlirining en'eniwiy bayrimi bolghan noruzda dunya Uyghur qurultiyi ijra'iye komitéti re'isi dolqun eysa ependi, Uyghur ziyaliysi abduwéli tursun ependi we nebi ghulam ependiler noruz toghrisida nutuq sözligen, noruz shé'irini déklamatsiye qilghan. Noruz éshi qilip noruz ehlige tarqitip bergen. Biz neq meydan'gha téléfon qilip, bu pa'aliyetni uyushturghan nebi ghulam we dolqun eysa ependiler bilen söhbet élip barduq.


Dolqun eysa ependi, gérmaniyediki Uyghurlarning öz milliy örp - adet we en'enilirige alahide köngül bölüp kéliwatqanliqini, bu xil milliy bayramlar arqiliq yash ewladlargha Uyghurlarning örp we aditi, tarixi we tilini ögitiwatqanliqini éytti.

Nebi ghulam ependi bolsa, gérmaniyening miyunxén shehiridin qalsa dortmund shehride Uyghurlarning sanining köp ikenlikini, bu qétimqi noruz pa'aliyitining bu yerde ötküzülgen ikkinchi chong noruz pa'aliyiti ikenlikini, bundin kéyin bu xil pa'aliyetlerge ehmiyet béridighanliqini éytti.

3 - Ayning 21 - küni kündüz bilen kéche tengleshken kün bolup, pütün türkiy milletler we ottura sherqtiki bezi milletler qedimdin tartip bu künni noruz bayrimi dep qutlap kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet