Myunxéndiki iptarda xitayning Uyghurlargha qaratqan zulumliri qattiq eyiblendi

Ixtiyariy muxbirimiz ekrem
2015.06.26
myunxin-uyghur-iptar-2015.jpg Myunxéndiki Uyghurlar ötküzülgen iptarliq pa'aliyettin körünüshler. 2015-Yili 25-iyun gérmaniye
RFA/Ekrem


D u q namida 25 - iyun küni myunxénda ötküzülgen iptarliq pa'aliyetke gérmaniye, türkiye, amérika qatarliq ellerning konsulliri we bawariyediki chong partiyilerning wekilliri, türk we islam teshkilatlirining re'isliri hemde 200 ge yéqin Uyghur, türk jama'iti qatniship, xitayning Uyghurlar üstidin yürgüzüwatqan zulumlirini ortaq rewishte qattiq eyiblidi.

25 - Iyun küni “Diyanet ishliri türk islam merkizi” dernikining chong zalida ötküzülgen iptarliq pa'aliyetke daxil bolghuchilarning kimliki heqqide chüshenche bergen d u q mu'awin re'isi esqerjan ependi, siyasiy salahiyiti yuqiri köpligen kishilerning iptarda birge bolghanliqini tilgha élish bilen birge, ularning nutuqlirining nahayiti tesirlik bolghanliqini eskertti.

Iptar sorunida sözge teklip qilin'ghan türkiye, amérika konsulliri we gérmaniyediki partiye rehberlirining xitayning Uyghurlargha séliwatqan zulumini ashkara rewishte qattiq eyiblishige qarita d u q mu'awin re'isi ümid agahi ependi ipade bildürüp: “Bu, dunyaning Uyghurlargha heqiqiy rewishte ige chiqidighan zamanining kelgenlikidin dérek béridu” dédi.

Bu mesilige qarita inkas bildürgen d u q ning yawropa parlaméntidiki wekili enwerjan ependi bolsa:“Dunya Uyghurlarning derdini téxi emdi chüshendi” dédi.

Sorunda yene d u q ijra'iye komitéti re'isi dolqun eysa ependi nutuq sözlep, xitayning Uyghurlar üstidin yürgüzüwatqan basturush siyasetliri we éghir xorluqqa uchrawatqan Uyghurlarning derdlirige da'ir emeliy misallarni tilgha élip ötti. Qurultay diniy ishlar komitétining mudiri turghunjan alawudunhajim bügün tolimu xeyrlik bolghan bir iptarliq pa'aliyiti ötküzülgenlikini tekitlidi.

Enwerjan ependi bu qétimqi iptar pa'aliyitige yuqiri baha berdi. Sorunda du'a - tilawet qilindi we shéhitlar rohigha atap du'alar oquldi. Sherqiy türkistanning pat pursette hör, musteqil bir döletke aylinishigha bolghan istekler janabi heqtin ashkara tilen'gen, yüzlerche qol du'agha kötürüldi we sorunni “Amin!” sadaliri lerzige saldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.