Gérmaniye tashqi ishlar ministirliqi xitay, gérmaniye söhbiti heqqide doklat yéghini oyushturdi

Ixtiyariy muxbirimiz pida'iy
2016-11-25
Élxet
Pikir
Share
Print
Dunya Uyghur qurultiyi yashlar komtétining mudiri gheyur qurban ependi
Dunya Uyghur qurultiyi yashlar komtétining mudiri gheyur qurban ependi
RFA/Pidaiy


24-Noyabir gérmaniyening bérlin shehiridiki tashqi ishlar ministirliqida, 8-we 9-noyabir künliri xitayning béyjing shehiride ötküzülgen 14-qitimliq "Kishilik hoquq we döletni qanun boyiche idare qilish mesilisi dé'alogi" ning netijisidin doklat bérish yéghini oyushturulghan.

Bu yighin'gha gérmaniyediki xitay kishilik hoquq mesililiri pa'aliyetchiliri, xitay munasiwetliri tetqiqatchiliri, Uyghur, tibet we xitayning chet'ellerdiki teshkilat wekilliridin bashqa, gérmaniye parlaméntlirining ezalirimu qatnashqan.

Uyghurlargha wakaliten bu yighin'gha qatnashqan dunya Uyghur qurultiyi yashlar komtétining mudiri gheyur qurban ependining bildürüshiche, 8-we 9-noyabir künliri xitayning béyjing shehiride ötküzülgen 14-qitimliq "Kishilik hoquq we döletni qanun boyiche idare qilish mesilisi dé'alogi" gha qatnashqan gérmaniye parlamént ezasi köflir xanim bu qitimliq uchrishishtin tepsiliy melumat bérip, xitay terepning Uyghurlar mesilisige alahidirek diqqet qilghanliqini bildürgen.

Xitay bilen gérmaniye arisida 2003-yilidin béri dawam qiliwatqan "Kishilik hoquq we döletni qanun boyiche idare qilish mesilisi dé'alogi" ning her qétimliq harpisida, gérmaniye we yawropa parlaméntliri Uyghur, tébet, mongghul we xitay wekillirining doklatigha ehmiyet bérish bilen birge, xitayda yüz bériwatqan kishilik hoquqqa alaqidar mesililerni toplap, uni xitay bilen ötküzülidighan mezkur di'alog söhbitide otturigha qoyup kelmekte.

Bu qétimliq "Kishilik hoquq we döletni qanun boyiche idare qilish mesilisi dé'alogi" munasiwiti bilen 19-öktebir küni gérmaniyening bérlin shehiridiki gérmaniye parlaménti tashqiy ishlar komitétida, 26-öktebir bélgiyening biryussél shehirige jaylashqan yawropa parlaméntining tashqi ishlar bashqarmisida bu mesile toghriliq melumat toplash pa'aliyetliri élip bérilghanidi.

Hazirgha qeder élip bérilghan bu dé'alogda xitay terepning kishilik hoquqqa alaqidar mesililerge ijabiy nezerde baqmaywatqanliqi melum bolsimu, bu di'alog izchil dawam qilmaqta.

Toluq bet