Gollandiyede 5 - iyul qurbanliri xatirilendi

Ixtiyariy muxbirimiz pida'iy
2013.07.05
gollandiye-5-iyul-namayish-2013-305.png Gollandiyediki 5 - iyul künini xatirlesh namayishidin bir körünüsh
RFA/Pidaiy

2013 - Yili 7 - ayning 5 - küni erkin dunyaning köpligen yerliridiki Uyghurlargha oxshash, gollandiyede yashawatqan Uyghurlarmu “5 - Iyul ürümchi qirghinchiliqi” ning 4 yilliqini xatirilesh pa'aliyiti ötküzdi.

Pa'aliyet shu yer waqti chüshtin sa'et 2 din 4 ke qeder dawam qildi. 100 Din artuq er - ayal namayishchilar ay - yultuzluq kök bayraqlirini lepilditip, sho'arlarni yangratti.

Gollandiyening siyasiy paytexti denhaxtiki parlamént meydanidin, xitay elchixanisighiche piyade yürüsh qildi. 5 Kilométirliq musapining ikki qasniqidiki dukanlar, olturaq öyler we türlük sahening ish béjirish organliri bilen yoldin ötken - kechken yoluchilar Uyghurlarning, xitay tajawuzchiliqigha qarshi chaqiriqlirini anglidi.

Pa'aliyetni “Gollandiye Uyghur birliki” teshkilati teshkillidi. “Yawropa sherqiy türkistan ma'arip jem'iyiti” we “Yashlar partiyisi teshkilati” zich maslashti.

Xitay elchixanisi aldida namayishchilarning jarangliq sho'arliri arisida, nöwet bilen nutuqlar sözlinip, Uyghurlarni musteqilliq yolida öz - ara ittipaqliqqa, birlishishke chaqirildi.

Ziyaritimizni qobul qilghan pa'aliyet ishtirakchiliri yürek sözlirini anglatti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.