Gollandiyede “5 - Féwral ghulja weqesi” xatirilendi


2014.02.03
gollandiye-5-fewral-xatirlesh-305.png Gollandiyediki Uyghurlar amstérdamdiki dam meydanida toplinip 5 - féwral ghulja weqesini xatirlidi
RFA/Pidaiy


2 - Féwral gollandiyediki Uyghurlar amstérdamdiki dam meydanida toplinip, 1997 - yili 2 - ayning 5 - küni yüz bergen “Ghulja weqesi” xatirilesh namayishi ötküzdi.

Xitaygha qarshi namayishlargha ömride tunji qétim qatnashqan bir Uyghur yash bu namayishqa qaniship hayajanlan'ghanliqini, namayishningmu bir xil inqilab ikenlikini bildürdi.

Namayish yétekchiliri Uyghurlarni öz mesilisini anglitishta téximu aktip bolushqa chaqirdi.

“Gollandiye Uyghur birliki teshkilati” teripidin uyushturulup, ikki sa'et dawam qilghan mezkur pa'aliyetke Uyghur, qazaq, türk we türkmen aktiplar bolup yüzge yéqin adem qatnashti.

Namayishchilar eyni chaghda yüz bergen ghulja qetli'amini Uyghurche, in'glizche, gollandche we türkche anglatti. Sho'arlar towlidi we bayanatlar oqudi. Ittipaqliq, birlik we musteqilliq mezmun qilin'ghan témilarda nutuqlar sözlendi.

Pa'aliyet axirlashqandin kéyin ziyaritimizni qobul qilghanlar birdek, bu qétimqi namayishning nahayiti janliq we qizghin keypiyatta élip bérilghanliqidin razi bolghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.