Голландийә җамаити мусибәтлик аилини ялғуз қоймиди

Ихтиярий мухбиримиз пидаий
2015.09.08
gollandiye-ayliq-sohbet-paaliyitidin-bir-korunush.jpg Голландийәдә қурулған явропа шәрқий түркистан маарип җәмийитиниң айлиқ паалийитидин бир көрүнүш
RFA/Pidaiy


Бир нәччә йил илгири голландийәдә қурулған явропа шәрқий түркистан маарип җәмийити көпинчә паалийәтлиридә мәзкур дөләттики уйғур җамаити йолуққан вә йолуқуватқан мәсилиләрни музакирә қилип кәлмәктә.

Тәшкилат 6 - сентәбир голландийәниң зәйст шәһиридә өткүзгән “айлиқ сөһбәт паалийити” ни өткән һәптә голландийәдә вапат болған бир уйғур мәрһумниң ахирәтлик ишлирини қандақ бир тәрәп қилишқа қаратқан. Паалийәттә йәнә диний мәзмундики сөһбәт вә лексийәләр өткүзүлгән.

Бу иштин толиму тәсирләнгәнликини билдүргән мусибәт игиси голландийәдики уйғур җамаитигә рәһмәт ейтти.

Тәшкилат илгирики программилирида интернетта сода қилиш билимлири, қанун асаслири қатарлиқ темиларда мәхсус лексийиләрни уюштурған иди.

Мунирә ханим 2015 - йили 4 - сентәбир җүмә күни кәч голландийәниң алмирә шәһиридики бир дохтурханида аләмдин өткән иди.

Мәлум болушичә, бу голландийәдә вапат болған чоңларниң тунҗиси болуп, илгири кичик балилардин бир қанчиси вапат тапқан вә лайиқида дәпнә қилинған. Әмма, чоңлар ичидә һазирғичә өлүм - йетим ишлири көрүлмигән иди. Мәлум сәвәбләр түпәйлидин бу мәрһумниң йәрликкә қоюлуши үчүн һазирланған йәрниң 6500 явролуқ чиқими, тунҗи мусибәттин қайғуланған вә һесдашлиқ туйғуси урғуған вәтәндашларниң қизғин ярдәмлишиши нәтиҗисидә топланған.

Бу иш сәвәблик иттипақлишалиғанлиқидин роһланған шәрқий түркистанлиқлар әтиси мәрһумниң дәпнә қилинишиға һәмдәмдә болуш пилани билән хошлашти.

Шундақ қилип явропа шәрқий түркистан маарип җәмийитиниң бу айлиқ сөһбәт паалийити мол мәзмунлуқ бир паалийәт болуп, мәзкур орунниң шәрт - шараитидин раһәт бир шәкилдә тамамланди. Паалийәт ахирида зияритимизни қобул қилғанлар паалийәттин алған тәсиратлирини, паалийәтниң тәпсилатини вә мусибәтлик күнлиридә вәтәндашлириниң көйүнүшигә еришкәнликидин хурсән болғанлирини баян қилди.

Исламий қериндашлиқ туйғусини күчәйтиш вә чүшәнчилирини чоңқурлаштуруш мәқсити билән белгийәдин кәлгән уйғурлардин йәнә бириму, өзиниң бу паалийәттин алған тәсиратини баян қилди вә тәкрар көрүшүш үмидини аңлатти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.