Gu'entanamodiki Uyghur tutqunlargha béghishlan'ghan yéngi höjjetlik filim qandaq wujutqa chiqti?

Muxbirimiz qutlan
2014-10-17
Élxet
Pikir
Share
Print
Mezkur höjjetlik filimgha qatnashqan roshen abbas xanim filimning rézhissori patrishyo hénriku'ez bilen. 2014-Yil öktebir, kanada, montréal.
Mezkur höjjetlik filimgha qatnashqan roshen abbas xanim filimning rézhissori patrishyo hénriku'ez bilen. 2014-Yil öktebir, kanada, montréal.
RFA/Qutlan

Uyghur mesilisi pütün dunyadiki taratqularning diqqet merkizide turuwatqan bir peytte, gu'entanamodiki Uyghur tutqunlarning hayatigha béghishlan'ghan yéngi höjjetlik filim yoruqluqqa chiqqan.

Kanada wetendashliqidiki patrishyo hénriku'éz rézhissorluq qilghan 90 minutluq höjjetlik filim "Gu'entanamodiki Uyghurlar: bimenilik tutqunliri" montré'al xelq'ara filim féstiwalida qoyulghandin kéyin zor tesir peyda qilghan.

Mezkur filimning muweppeqiyetlik ishlinishide küch chiqarghan hemde özi biwasite filimge qatnashqan roshen abbas xanim bu heqte ziyaritimizni qobul qildi.

U mezkur filimning hazirgha qeder gu'entanamodiki Uyghur tutqunlar heqqide ishlen'gen höjjetlik filimlar ichide eng muweppeqiyetlik eser bolghanliqini alahide tekitlidi.

Uning bildürüshiche, filim rézhissori patrishyo hénriku'éz eslide chililiq kishi bolup, u eyni waqitta chilidiki diktator réjimdin qéchip kanadagha kelgen we siyasiy panahliq tiligen. Patrishyo eyni waqitta qachqunluq hayatini öz béshidin ötküzgen kishi bolghachqa, gu'entanamogha gunahsiz qamalghan 22 neper Uyghurning achchiq kechmishlirini qelbining chongqur qatlamliridin hés qilghan.

U mezkur filimde gu'entanamodin albaniyege yerleshtürülgen ababekri qasim, bérmudagha yerleshtürülgen xélil we palawgha yerleshtürülgen exmet qatarliq üch neper Uyghurning eslime we bayanliri arqiliq gu'entanamodiki Uyghur tutqunlarning hayatini yorutushqa tirishqan.

Filimde yene, gu'entanamodiki Uyghur tutqunlarning délosigha biwasite arilashqan kilshiler, shu jümlidin ularning adwokati we ulargha yillarche terjimanliq qilghan roshen abbas xanimning bayanlirimu muhim orun tutqan.

Mezkur höjjetlik filimde 22 neper Uyghur musapirning xata halda tutulushidin bashlap gu'entanamo türmisige qamilishi we uzaqqa sozulghan murekkep tartishmilardin kéyin 3 - döletke yerleshtürülishigiche bolghan pütkül jeryanni siyasiy "Bimenilik" témisi astida yorutup bérishke tirishqan.

Filim montré'al xelq'ara filim féstiwalida tunji meydan qoyulghandin kéyin yoqiri bahagha ériship, kelgüsi améstérdamda ötküzilidighan filim mukapatigha namzatliqqa körsitilgen.

Roshen abbas xanim mezkur höjjetlik filimning hazirqi weziyette yoruqluqqa chiqishi xelq'ara jem'iyetning Uyghur mesilisini yenimu chongqurlighan halda chüshinishide shundaqla Uyghurlarning xitayning tömür perdisi arqisigha yoshurun'ghan ré'alliqini bilishide muhim ehmiyetke ige ikenlikini ilgiri sürdi.

Tepsilatini awaz ulinishtin anglighaysiz.

Toluq bet